Anita Traversi
Анита Траверси (25-июл 1937-йил — 25-сентябр 1991-йил) — швейсариялик хонанда. 1960-1964-йиллардаги „Эуровисион қўшиқ танлови“ иштирок этгани билан кенг танилган.
Анита Траверси | |
|---|---|
| Таваллуди |
25-июл 1937-йил Гиубиасcо, Швейсария |
| Вафоти |
25-сентябр 1991-йил (54 ёшда) |
| Жанрлар | поп |
| Касби | Хонанда |
Фаолияти
Гиубиасcо шаҳрида туғилган. Траверсини мусиқачи бўлган отаси қўллаб-қувватлаган ва у 1950-йилларнинг ўрталаридан бошлаб оркестр, жумладан, Швейсариянинг италян тилидаги радиоканали оркестри билан бирга қўшиқ куйлашни бошлаган. 1956-йилда у илк бор ташкил этилган „Эуровисион қўшиқ танлови 1956“ танлови учун Швейсария миллий саралаш босқичида қатнашган, бироқ унинг „Банданелле Тиcинесе“ қўшиғи танлаб олинмаган[1]. Ўша йили Траверси Қуинтетта Радиоса гуруҳининг аъзоси сифатида танлов ғолиби Лйс Ассианинг ҳар иккала қўшиғида, жумладан, ғолиб бўлган „Рефраин“ таронасида бек-вокалчи сифатида қатнашган. 1959-йилда Траверси Италияда овоз ёзиш студияси билан шартнома имзолаган ҳамда Адриано Cелентано билан биргаликда бир нечта қўшиқларни, жумладан, энг сара ўнталикка кирган „Пиccола“ хит таронасини ёзган. Анита Траверси Швейцария шарафини ҳимоя қилиб, Полшадаги „Сопот Интернатионал Сонг Фестивал“, Бразилиядаги Рио-де-Жанейро фестивали ва Болгариядаги „Голден Орпҳеус“ каби дунёнинг бир қатор нуфузли мусиқа фестивалларида катта муваффақиятларга эришган. Сопотдаги қўшиқ фестивалида икки марта қатнашган. Биринчи марта 1962-йилда „Уна cерта сера“ (А. Сcотти) ва полшача „Жесиэнна розłąка“ („Дис-мои, дис-мои“) (Герт-Брок) қўшиқлари билан иштирок этган. Ушбу чиқиши учун у энг яхши ижро йўналишида биринчи ўрин билан тақдирланган. 1968-йилда хонанда Сопот фестивалида иккинчи марта Швейсария номидан қатнашган. „Полша куни“ доирасида у полшача „Одра рзека“ („Одра“) (Паłасз-Фисзер) қўшиғини ижро этган ва бу сафар италиялик Аннарита Спинаcидан кейин иккинчи ўринни эгаллаган. Фестивал давомида Траверс ўша танловнинг энг севимли тароналаридан бирига айланган „Балалаика“ қўшиғини маҳорат билан ижро этган. 1970-йилда у Болгариядаги „Голден Орпҳеус“ фестивалининг энг йирик юлдузларидан бири сифатида болгарча „Эдна бйлгарска роза“ қўшиғини юқори маҳорат билан куйлаган. Рио-де-Жанейродаги фестивалда ҳам у тақдирланган хонандалар қаторидан жой олган.
Эуровисион қўшиқ танлови
1960-йилда Траверсининг Эувровисиондаги иккинчи уриниши муваффақиятли якунланган. Унинг „Cиэло э терра“ („Осмон ва ер“) қўшиғи 29-март куни Лондонда бўлиб ўтган бешинчи „Эуровисион қўшиқ танлови 1960“ танловида Швейсария номидан иштирок этиш учун танлаб олинган[2]. Эувровисионнинг илк даврлари учун жуда хос бўлган оркестр балладаси йўналишидаги „Cиэло э терра“ таронаси 13 та иштирокчи орасида саккизинчи ўринни эгаллаган[3][4].
Траверси 1961-йилда („Финалменте“) ва 1963-йилларда (учта қўшиқ, жумладан, немис тилидаги илк уриниши билан) яна Швейсария номидан Эувровисион танловида қатнашишга ҳаракат қилган[5][6]. Бироқ ҳар икки йилда ҳам саралашдан ўтолмаган. Ниҳоят, хонанда 1964-йилда иккинчи бор имкониятга эга бўлган ва унинг „И миэи пенсиэри“ қўшиғи 21-март куни Копенгаген шаҳрида ўтказилган тўққизинчи „Эуровисион қўшиқ танлови 1964“ танловида қатнашиш учун танлаб олинган[7]. Бироқ, ушбу баллада ҳакамларга манзур келмаган ва бирорта ҳам очко тўплай олмай, охирги ўринни ўзаро бўлишиб олган тўртта қўшиқдан бирига айланган[8][9].
Манбалар
- ↑ ЭСC Натионал Финалс датабасе 1956
- ↑ ЭСC Натионал Финалс датабасе 1960
- ↑ „ЭСC Ҳисторй 1960“. 2018-йил 17-августда асл нусхадан архивланган. Қаралди: 2009-йил 29-октябр.
- ↑ „Cиэло э терра“ ат диггилоо.нет
- ↑ ЭСC Натионал Финалс датабасе 1961
- ↑ ЭСC Натионал Финалс датабасе 1963
- ↑ ЭСC Натионал Финалс датабасе 1964
- ↑ „ЭСC Ҳисторй 1964“. 2018-йил 17-августда асл нусхадан архивланган. Қаралди: 2009-йил 29-октябр.
- ↑ „И миэи пенсиэри“ ат диггилоо.нет