Ziyosfera

Anna German

Anna Viktoriya (olmoncha: Anna Hörmann , polyakcha: Anna Wiktoria German; 1972-yildan – polyakcha: Anna Wiktoria German-Tucholska) – asli nemis boʻlgan xonanda, shoir va bastakor. Dunyoning turli tillarida, birinchi navbatda, polyak va rus tillarida qoʻshiqlarning taniqli ijrochisi. Monte-Karlo, SanRemo, Neapol, Viareggio, Cannes, Sopot kabi koʻplab milliy va xalqaro festivallar laureati.

Anna German
Fayl:Anna German.gif
Tavalludi Anna Yevgenyevna German
14-fevral 1936-yil
Urganch, OʻzSSR
Vafoti 25-avgust 1982-yil(1982-08-25)
(46 yoshda)
Varshava, Polsha
Janrlar estrada, opera, romans
Kasbi qoʻshiqchi, bastakor, aktrisa
Faoliyat yillari 1960—1982

Biografiyasi

Bolaligi va yoshligi. Oilasi

Anna German 1936-yil 14-fevralda SSSRda Oʻzbekiston SSRning Urganch shahrida tugʻilgan. Onasi – Irma Davydovna Berner (15.11.1909—30.01.2007). Velikoknyazheskoe qishlogʻida tugʻilgan (hozirgi Kochubeevskoye qishlogʻi, Stavropol oʻlkasi). U Yekaterina davrida Rossiyada yashagan. U nemis tilidan dars bergan. Irmaning oilasi odatdagi mennonit nemis-platan dialektida (Plättdeutsch) gaplashardi. Otasi – Yevgeniy Fridrixovich German (olmoncha: Eugen Hörmann ), (1909, Lodz—10.11.1937[1]) – Urganchdagi novvoyxonada hisobchi boʻlgan[2]. Nemis va golland koʻchmanchilari avlodining oʻgʻli[1]. 1937-yilda qoʻshnilarining qoralashidan soʻng u josuslikda ayblanib hibsga olinib, „oʻn yilga yozishma huquqisiz“ qamoq jazosiga hukm qilindi va Toshkentda qatl etildi. 1957-yilda vafotidan keyin reabilitatsiya qilingan.

Buvisi – Anna Friesen Martens (18.01.1886 – 17.09.1971). 1940-yillarda Sibirdagi Stalin lagerlarida vafot etgan . Kichik ukasi Fridrix 1940-yilda Toshkentda skarlatinadan 2 yil 2 oyligida vafot etdi. Botkin qabristoniga dafn etilgan.

1967-yilgacha ijodiy faoliyati

1960-yilda Anna German talabalar teatri „Pun“ sahnasida debyut qildi. U yerda qizni ushbu teatr direktori Yerji Litvinets taklif qildi[3][4]. Biroq, birinchi spektakllaridan birida Anna bu soʻzlarni unutdi va bundan shunchalik xafa boʻldiki, tez orada teatrni tark etdi[5][3].

Italiya hukumati stipendiyasini olgach, intiluvchan qoʻshiqchi bir necha oyga Rimga yoʻl oldi. Ajratilgan stipendiya uy-joy uchun zoʻrgʻa yetarli edi. 1962-yilda Anna universitetining geologiya fakultetini tamomlagan.

Birinchi eʼtirof Germanga Rzeshovlik aktyor va rejissyor Julian Krzywka uni oʻz truppasiga taklif qilganidan keyin keldi[3].

Avtohalokatga uchrashi va davolanishi

Italiyadagi gastrol safari paytida German jiddiy avtohalokatga uchraydi. Bu avtohalakoat 1967-yil 27-avgustda Forli va Milan shaharlari oʻrtasidagi hududda sodir boʻlgan. Kechasi katta tezlikda German va uning impresariosi ketayotgan mashina beton toʻsiqga borib urilgan (mashina haydovchisi Renato Serio rulda uxlab qolgan). Mashinaning beton toʻsiq urilishi Germanni mashinaning old oynasidan chakalakzorga uloqtirib tashlagan, natijada u yerdan Anna Germanni darhol topisha olishmagan. Ertalab yetib kelgan tez yordam mashinasi dastlab mashinada boʻlgan, qoʻli va oyogʻi singan Renatoni olib ketadi[6][7][8]. Germanga 49 joyidan sinishlar (shu jumladan, umurtqa pogʻonasi) va ichki organlariga shikast yetgan.

Baxtsiz hodisadan keyin Anna German bir hafta davomida hushiga kelmaydi. Olti oy davomida kasalxonada Anna gipsda harakatsiz yotgan. Keyin, bir necha oy davomida Anna German chuqur nafas olishni, oʻtirishni va yurishni qayta oʻrganishga majbur boʻladi[7][9][10].

1960-yillarning oxirida Anna German oʻz faoliyatining Italiya davriga bagʻishlangan „Sorrentoga qaytgin?“ avtobiografik kitobini yozadi. Kitobning tiraji 30 000 nusxani tashkil etgan[7]. Shu bilan birga, xonanda bir muncha vaqt bolalar uchun fizika boʻyicha radioeshittirish olib borgan[11] va musiqa yozishni boshlagan[12].

Shaxsiy hayoti

1972-yil 23-martda Zakopane shahrida German Politexnika institutining metallurgiya kafedrasi muhandisi Zbignev Tuxolskiyga (1928-yilda tugʻilgan) turmushga chiqqan, Zbignev Tuxolskiy bilan 1960-yilda Vrotslavdagi plyajda uchrashishgan[7][13]. 1975-yil 27-noyabrda ularning oʻgʻli Zbignev tugʻilgan.

German sharqona taomlarni pishirishni yaxshi koʻrardi. Spirtli ichimlik isteʼmol qilmagan[11].

Faoliyati

Anna Germanning talaba kartasi

Dastlabki musiqa saboqlarini Xorazmda olgan. 1946-yildan Polshada yashagan. Wroclaw politexnika institutini tugatgan (1961). Shu davrdan boshlab estrada ansambllarida xonanda sifatida qatnashib, dastlab Polsha (Sopot, 1963—1965; Opole, 1964), keyinchalik Vena (1965) va Sorrento (1967) xalqaro estrada tanlovlari laureati unvoniga sazovor boʻldi. Xonanda lirik-dramatik hamda hazilnamo qoʻshiqlarni oʻta samimiylik va oʻziga xos tarzda talqin etgan. Repertuaridan zamonaviy kompozitorlar (Katarzyna Gärtner, „Raqsga tushuvchi evridikalar“; Aleksandra Paxmutova, „Umid“; Yevgeniy Ptichkinning „Sevgi sadosi“), kuylarini oʻzi yaratgan („Inson taqsiri“, „Boʻlishi mumkin“), shuningdek, polyak, rus, italyan qoʻshiqlari oʻrin olgan. Yevropa, Amerika, Avstraliya va Osiyo (xususan, Markaziy Osiyo, 1979) mamlakatlarida gastrolda boʻlgan. Ijodiga bagʻishlangan „Anna German bilan uchrashuv“ filmi yaratilgan (1976). Urganchda koʻchalardan biri, Zielona Góradagi konsert zali hamda mazkur shaharda oʻtadigan estrada festivaliga (1988) German nomi berilgan.

Manbalar

  1. ↑ 1,0 1,1 Tatьyana Vinnichenko. Pani Anna // Lichnosti. — 2011. — Noyabrь. — S. 4—24.
  2. ↑ Olьga Saprыkina. Jiznь vzaymы // Atmosfera. — 2004. — Iyulь. — S. 48—55.
  3. ↑ 3,0 3,1 3,2 jiznь 2013.
  4. ↑ Ensiklopediya nyusmeykerov (2015). Anna German (Wayback Machine saytida 2022-03-14 sanasida arxivlangan) // art.niv.ru
  5. ↑ Tatьyana Vinnichenko. Pani Anna // Lichnosti. — 2011. — Noyabrь. — S. 4—24.
  6. ↑ Tatьyana Vinnichenko. Pani Anna // Lichnosti. — 2011. — Noyabrь. — S. 4—24.
  7. ↑ 7,0 7,1 7,2 7,3 Olьga Saprыkina. Jiznь vzaymы // Atmosfera. — 2004. — Iyulь. — S. 48—55.
  8. ↑ jiznь 2013, s. 28—29.
  9. ↑ jiznь 2013, s. 43—44.
  10. ↑ jiznь 2013, s. 33.
  11. ↑ 11,0 11,1 Ivan Ilьichyov. Anna vыstupala v tyomnыx ochkax, chtobы skrыtь slyozы boli // Gala Biografiya. — 2006. — № 04. — S. 76—90.
  12. ↑ jiznь 2013, s. 49.
  13. ↑ Valentina Oberemko. „Lyubovь i rok Annы German. Eyo golos lechit dushi“. aif.ru (2009-yil 10-fevral). 2020-yil 21-oktyabrda asl nusxadan arxivlangan. Qaraldi: 2020-yil 30-iyun.

Adabiyotlar

  • Anna German, pod redaktsiey L. Nezvinskoy. «Anna German. Jiznь, rasskazannaya eyu samoy», Unikalьnaya avtobiografiya jenщinы-epoxi. Eksmo, 2013. ISBN 978-5-9955-0698-0. 
  • German A.. Mы dolgoe exo, Legendы avtorskoy pesni. M.: Algoritm, 2012. ISBN 978-5-4438-0139-1. 
  • German A.. Exo lyubvi, Jenщina, pokorivshaya mir. M.: Algoritm, 2013. ISBN 978-5-4438-0293-0. 
  • Ilьichev I. M.. Anna German. Gori, gori, moya zvezda.... M.: Eksmo, Algoritm, 2010. ISBN 978-5-699-45270-5. 
  • Ilьichev I. M.. Anna German: "Belыy angel pesni". M.: Mayor : Izd. Osipenko A. I., 2013. ISBN 978-5-98551-203-8.  (2-e izd.: M., 2015)
  • Ilьichev I. M.. Anna German: sto vospominaniy o velikoy pevitse. M.: Algoritm, 2016. ISBN 978-5-906842-28-2.  (2-e izd.: M., 2017)
  • Jigarev A. L.. Anna German. M.: Iskusstvo, 1988.  (Pereizdanie: Jigarev A. L.. Anna German. Smolensk: Rusich, 1998. ISBN 5-88590-895-8. )
  • 1974 Anna German — Nagrabiecki Jan (Anna German — Yan Nagrabetskiy)
  • 1999 Wspomnienia o Annie German — Mariola Pryzwan (Vospominaniya ob Anne German — Mariola Prizvan)
  • 2000 Człowieczy los. Wspomnienia o Annie German — Adriana Polak (Chelovecheskaya sudьba. Vospominaniya ob Anne German — Adriana Polyak)
  • 2003 Die unbekannte Anna German (Neizvestnaya Anna German) — Artur Hörmann (Knigu napisal dyadya Annы German i brat eyo ottsa Evgeniya Germana)
  • 2008 Tańcząca Eurydyka. Wspomnienia o Annie German — Mariola Pryzwan (Tantsuyuщaya Evridika. Vospominaniya ob Anne German — Mariola Prizvan)
  • 2011 Anna German — Jordan Naoum ISBN 6138327977
  • 2012 Anna German o sobie — Mariola Pryzwan (Anna German o sebe — Mariola Prizvan)
  • 2013 Tańcząca Eurydyka. Anna German we wspomnieniach — Mariola Pryzwan (Tantsuyuщaya Evridika. Anna German v vospominaniyax — Mariola Prizvan)
  • 2013 German. Osobisty album Anny German — Marzena Baranowska (German. Lichnыy alьbom Annы German — Majena Baranovskaya)
  • 2013 German. Śpiewający anioł. Super album (German. Poyuщiy angel. Super alьbom)
  • 2014 Anna German: «Uśmiechaj się» — Volga Yerafeyenka (Anna German «Ulыbaysya» — Olьga Erofeenko)
  • 2014 Człowieczy los wspomnienia matki Anny German — Irma Martens-Berner (Chelovecheskaya sudьba vospominaniya materi Annы German — Irma Martens-Berner) ISBN 978-83-7295-299-8 Tak je konsulьtantami knigi bыli sыn Annы German, Zbignev Ivarr Tuxolьskiy i eyo muj Zbignev Antoniy Tuxolьskiy.
  • Aleksey Shlыkov. Lyubovь zemnaya[sayt ishlamaydi] Jurnal TV7 (№ 19, 2010)
  • Galina Vыbornova. Djambulskie stranitsы Annы German Gazeta «Vremya» (Kazaxstan)

Havolalar

Vikiomborda „Anna German“ mavzusi boʻyicha mediafayllar bor. 





"https://new.ziyosfera.uz/ziyo/Anna_German" dan olindi