Darya Naumova
Darya Sergeyevna Naumova (belaruscha: Dar'ya Syargeeoʻna Navumava; 1995-yil 26-avgust, Belarusiya, Mogilyov viloyati, Potok qishlogʻi) — belaruslik ogʻir atletikachi, dastlab −75 kg vazn toifasida ishtirok etgan. 2016-yilgi Rio-de-Janeyro Olimpiadasining kumush medali sovrindori[1] va 2020-yili Tokioda boʻlib oʻtgan olimpiya oʻyinlari ishtirokchisi. 2019- yilgi Yevropa chempioni. 2018-yilgi jahon chempionati sovrindori. Belarus Respublikasining xalqaro toifadagi sport ustasi.
| Darya Naumova | |
|---|---|
![]() | |
| Shaxsiy maʼlumotlari | |
| Jinsi | Ayol |
| Fuqaroligi |
|
| Tavallud sanasi |
1995-yil 26-avgust Mogilyov viloyati, Potok qishlogʻi, Belarus Respublikasi |
| Boʻyi | 1.65 m |
| Vazni | 77.89 kg |
| Sport | |
| Qaysi sport | Ogʻir atletika |
Tarjimai holi
Darya Sergeyevna Naumova 1995-yil 26-avgustda Belarusning Mogiyov viloyati, Klichevskiy tumani, Potok qishlogʻida tugʻilgan. Sloboda nomli maktabda tahsil olgan[2]. Darya maktabning 10-sinfiga qadar yadro va disk uloqtirish bilan shugʻullangan. Keyin esa ogʻir atletikaga oʻtgan va boʻyi pastligi tufayli kattalar darajasida musobaqalashish qiyinligi murabbiylar tomonidan tushuntirilgan. Bobruysk olimpiya zaxiralari maktabini tamomlagan. Hozirda Belarus davlat universitetining yuridik fakultetida 2-mutaxassislik uchub oʻqimoqda[manba kerak]. Bobruyskda yashaydi.
Oilasi
- Otasi — Sergey Mixaylovich Naumov.
- Onasi — Irina Matveyevna Naumova.
- Katta opasi — Polina (1987-yilda tugʻilgan), kollejda oʻqituvchi, yoshligida ogʻir atletika bilan shugʻullangan.
- Oʻrtancha opasi — Marina (1990-yilda tugʻilgan), maktabda oʻqituvchi.
Siyosiy qarashlari
2020-yilda Belarusdagi noroziliklar bostirilganidan keyin mamlakatning amaldagi hukumatini qoʻllab-quvvatlovchi sport arboblarining ochiq xatiga imzo chekdi[3][4].
Faoliyati
Xalqaro maydondagi debyutini 2012-yilda yoshlar oʻrtasidagi Yevropa chempionatida −69 kg vazn toifasida amalga oshirgan. Keyinchalik 75 kg vazn toifasida ishtirok etgan[5].
2018-yil noyabr oyi boshida Ashxobodda boʻlib oʻtgan jahon chempionatida −81 kg vazn toifasida belaruslik sportchi umumiy 245 kilogramm ogʻirlikni koʻtarib, kumush medalni qoʻlga kiritgan. Shu bilan birga, dast koʻtarishda 137 kg., siltab koʻtarishda esa 108 kg natija bilan kichik bronza medaliga sazovor boʻldi.
2019-yilda Batumida boʻlib oʻtgan Yevropa chempionatida Darya −76 kg vazn toifasida jami 242 kg vaznni koʻtarib, chempion unvoniga sazovor boʻlgan. Dast koʻtarishda ikkinchi oʻrinni (106 kg), siltab koʻtarishda esa birinchi oʻrinni (136 kg) olgan.
Asosiy natijalari
| Yil | Musobaqalar | Manzil | Ogʻirlik toifasi | Dast koʻtarish | Siltab koʻtarish | Jami | Oʻrin |
|---|---|---|---|---|---|---|---|
| 2014-yil | Ogʻir atletika boʻyicha Yevropa chempionati | Tbilisi, Gruziya | −75 kg | 108 kg | 133 kg | 241 kg | 4 |
| 2015-yil | Ogʻir atletika boʻyicha jahon chempionati | Hyuston, AQSh | −75 kg | 115 kg | 142 kg | 257 kg | 5 |
| 2016-yil | Yozgi Olimpiya oʻyinlari | Rio-de-Janeyro, Braziliya | −75 kg | 116 kg | 142 kg | 258 kg |
Manbalar
- ↑ „Darya Naumava“. 2016-yil 14-avgustda asl nusxadan arxivlangan. Qaraldi: 2016-yil 13-avgust.
- ↑ „Ledi «jeleznыx igr»: klichevlyanki na dele dokazali, chto shtanga im po plechu“. 2016-yil 29-avgustda asl nusxadan arxivlangan. Qaraldi: 2016-yil 13-avgust.
- ↑ „Stalo izvestno, kto podpisal otkrыtoe pisьmo sportsmenov, vыstupayuщix za vlastь“ (ru). sport.tut.by (2020-yil 24-noyabr). 2020-yil 24-noyabrda asl nusxadan arxivlangan. Qaraldi: 2020-yil 24-noyabr.
- ↑ „Podpisi“. athletes.by. 2020-yil 7-dekabrda asl nusxadan arxivlangan. Qaraldi: 2020-yil 8-dekabr.
- ↑ „Naumova Darьya“. 2016-yil 16-avgustda asl nusxadan arxivlangan. Qaraldi: 2016-yil 13-avgust.
