Denis hikoyalari

„Denis hikoyalari“ (ruscha: Deniskinы rasskazы) — rus yozuvchisi Viktor Dragunskiy qalamiga mansub hikoyalar sikli. Hikoyalarda bosh qahramon Denis Korablyov maktabgacha davrda va boshlangʻich maktabda boshidan kechirgan hodisalar haqida hikoya qilinadi. 1959-yildan chop etila boshlangan hikoyalar sovet bolalar adabiyotining eng sara asarlaridan hisoblanadi. Hikoyalar bir necha marta qayta chop etilgan, ular asosida filmlar suratga olingan. 2012-yil Denis haqidagi hikoyalar „Bolalar uchun 100 kitob“ (ruscha: 100 knig dlya shkolьnikov) roʻyxatiga kiritilgan.

Denis hikoyalari

Asl nomi	Deniskinы rasskazы
Muallif(lar)	Viktor Dragunskiy
Tarjimon(lar)	Surayyo Saydaliyeva
Til	ruscha
Janr(lar)i	hikoyalar
Nashr etilgan sanasi	1959-yildan boshlab
Nashriyot	„Yosh gvardiya“
Oʻzbek tilida nashr etilgan sanasi	1978
Sahifalar soni	192

Asosiy qahramon uchun yozuvchining oʻgʻli Denis Draguniskiy asos boʻlgan. Draguniskiy keyinchalik taniqli jurnalist va dramaturg boʻlib yetishgan. Shuningdek, hikoyalarning birida tilga olingan Denisning singlisi Kseniya obrazi yozuvchining qizi Kseniya Dragunskaya asosida yaratilgan boʻlib, bu farzandi ham taniqli dramaturg boʻlib yetishgan.

1978-yil 37 hikoyadan iborat oʻzbekcha toʻplam „Yigirma yil karavot ostida“ nomi bilan chop etilgan. Hikoyalarni rus tilidan Surayyo Saydaliyeva tarjima qilgan.

Qahramonlari

• Denis Korablyov (ruscha: Denis Korablyov) – bosh qahramon
• Denisning otasi
• Denisning onasi
• Mishka Slonov (ruscha: Mishka Slonov) – Denisning sinfdoshi va doʻsti
• Kostik (ruscha: Kostik) – Denis va Mishkaning doʻsti
• Alyonka (ruscha: Alyonka) – Denisning qoʻshnisi
• Raisa Ivanovna (ruscha: Raisa Ivanovna) – adabiyot oʻqituvchisi
• Boris Sergeyevich (ruscha: Boris Sergeevich) – musiqa oʻqituvchisi

Oʻzbekcha tarjimaga kiritilgan hikoyalar

• Menga Singapur haqida soʻzlab bering (ruscha: Rasskajite mne pro Singapur)
• Fantomas (ruscha: Fantomas)
• Yigirma yil karavot ostida (ruscha: Dvadtsatь let pod krovatьyu)
• Gʻildiraklar taq-taq-taqlab kuylaydi (ruscha: Poyut kolyosa — tra-ta-ta)
• Ivan Kozlovskiyning shuhrati (ruscha: Slava Ivana Kozlovskogo)
• Menga nima yoqadi-yu (ruscha: Chto ya lyublyu…)
• Va nimalar yoqmaydi (ruscha: …I chego ne lyublyu!)
• Mishka nimalarni yoqtiradi (ruscha: Chto lyubit Mishka)
• Grossmeysterning shlyapasi (ruscha: Shlyapa grossmeystera)
• Josus Gazandayevning oʻlimi (ruscha: Smertь shpiona Gadyukina)
• Etik kiygan mushuk (ruscha: Kot v sapogax)
• Keksa dengizchi (ruscha: Starыy morexod)
• Karam shoʻrva professori (ruscha: Professor kislыx щey)
• Boʻyoqchilar
• Tik devorda motopoyga (ruscha: Motogonki po otvesnoy stene)
• „U tirik, yaltirayapti“ (ruscha: On jivoy i svetitsya…)
• Sir ochildi (ruscha: Taynoe stanovitsya yavnыm)
• Ritsarlar (ruscha: Rыtsari)
• Siz, sirkachlardan qolishmaymiz (ruscha: Ne xuje vas, tsirkovыx)
• Ingliz Pavlya (ruscha: Anglichanin Pavlya)
• Roppa-rosa 25 kilo (ruscha: Rovno 25 kilo)
• Bolalikdagi doʻstim (ruscha: Drug detstva)
• Gʻozning kekirdagi (ruscha: Gusinoe gorlo)
• Moviy osmondagi qizil shar (ruscha: Krasnыy sharik v sinem nebe)
• Tarvuz koʻchasi (ruscha: Arbuznыy pereulok)
• „Katta“ konsert
• Shardagi qizcha (ruscha: Devochka na share)
• Fil va radio (ruscha: Slon i radio)
• Poyezddagi voqea yoki xalola-xoʻp
• Fligeldagi yongʻin yoki muz ustidagi jasorat (ruscha: Pojar vo fligele, ili Podvig vo lьdax…)
• Tiniq daryo boʻyidagi jang (ruscha: Srajenie u chistoy rechki)
• Vankaning velosipedi (ruscha: Na Sadovoy bolьshoe dvijenie)
• Yuzi koʻk kishi (ruscha: Chelovek s golubыm litsom)
• Samolyotda uchishimga sal qolgani haqida (ruscha: Zapax neba i maxorochki)
• Ajoyib fikr (ruscha: Zdorovaya mыslь)
• Minoradan suvga qanday sakraganim haqida (ruscha: Rabochie drobyat kamenь)
• Sayroqi qushlar koʻrgazmasi (ruscha: Amadinы)