Devon un-nasab

“Devon un-nasab” (“Nasl-nasablar toʼplami”) – Abu Sulaymon Faxriddin Banokatiyning asari. Tarixiy mavzuda yozilgan. Asl va toʼliq nomi «Ravzat ul-albob fi tavorix al-akobir val-ansob» («Akobirlar va nasl-nasablar tarixi xususida oqillar bogʼi»). Asar elxoniylardan Abu Sayidxon (1317–35) davrida yozilgan. Unda eng qadimgi davrlardan to Abu Sayidxon hukmronligigacha Eron, Hindiston, Movarounnahr, Xitoy va Yevropada boʼlib oʼtgan voqealar bayon qilingan. Alisher Navoiy ushbu asar nomini “Tarixi muluki Ajam”da Iskandar tarixi bilan bogʼliq faslda eslatadi.