Dilbar Rashidova
Дилбар Каримовна Рашидова (1958-йил 22-июн, Тошкент, Ўзбекистон ССР) — ўзбекистонлик олима, қишлоқ хўжалиги фанлари доктори, профессор.
| Дилбар Рашидова | |
|---|---|
 | |
| Таваллуди |
1958-йил 22-июн Тошкент, Ўзбекистон ССР |
| Фуқаролиги |
 Ўзбекистон |
| Соҳаси | қишлоқ хўжалиги |
| Иш жойлари | Пахта селексияси, уруғчилиги ва етиштириш агротехнологиялари илмий-тадқиқот институти |
| Таълими | Тошкент қишлоқ хўжалик институти |
| Илмий даражаси | қишлоқ хўжалигифанлари доктори |
| Илмий унвони | профессор |
| Мукофотлари |
 |
Биографияси
Дилбар Рашидова 1958-йил 22-июн Тошкентда туғилган. 1980-йилда Тошкент қишлоқ хўжалик институтини тамомлаган[1]. 1980—1983-йилларда Ўзбескитон Фанлар академияси Ўсимликлар экспериментал биологияси институтида лаборант, 1983-йилда Тошкент қишлоқ хўжалик институтида кичик илмий ходим, 1984—1987-йилларда Ўзбескитон Фанлар академияси Ўсимликлар экспериментал биологияси институтида стажёр-тадқиқотчи, 1987—1993-йилларда „Узселхозхимия“да муҳандис, катта агрохимик, 1993—1997-йилларда „Wолфсон Шарқ Энтерприсес“ компанитаси директор муовини, 1997—2002-йилларда „Спесингео“ фирмаси директор муовини, 2002—2014-йилларда республика қишлоқ хўжалик экинлари бирламчи уруғчилиги ва уруғшунослик стансияси лаборатория мудири лавозимида фаолият кўрсатган. 2014-йилдан Пахта селексияси, уруғчилиги ва етиштириш агротехнологиялари илмий-тадқиқот институти „Ўсимликлар биокимёси ва физиологияси“ лабораторясида лойиҳа раҳбари[1].
Оиласи
Оилали, 3 нафар фарзанди бор[1].
Илмий фаолияти
2010-йилда номзодлик, 2016-йилда докторлик диссертациясини ҳимоя қилган, 2021-йилда профессорлик илмий унвони берилган[1]. Дилбар Рашидова томонидан ғўза чигити ва ўсимлигининг ривожланиш жараёнларига Бомбйх Моридан ажратиб олинган хитозан ва унинг хосилалари билан капсулаланган полимер тизимининг таъсири аниқланган. Ғўзанинг маҳаллий УЗХИТАН полимер препарати билан капсулаланган уруғларида кечадиган ўсиш ва ривожланиш жараёнлари кўриб чиқиб, фотосинтетик жараёнга турли ташқи ва ички омилларнинг таъсири ўрганган, УЗХИТАН, карбоксиметилхитозан (КМХ), ва шунингдек мис хитозан металлокомплексини уруғларни капсулалашда қўллашнинг самарадорлиги аниқлаган. 280 дан ортиқ илмийнмақолалар, 6 та монография, 6 та тавсиянома, 5 та патент ва рисолалар муаллифи[1]. Дилбар Рашидова томонидан „Семеноводство и семеноведение сельскохозяйственных культур“, „Қишлоқ хўжалиги маҳсулотларини тиштиришда полимер шаклли препаратларнинг қўлланиши“, „Совершенствование определения качества посевных семян сельскохозяйственных культур“ ва „Применение биологически активных полимеров на хлопчатнике“ номли монографиялар чоп эттирилган. 2021-йилда Ўзбекистон Республикаси мустақиллигининг 30 йиллиги эсдалик нишони билан тақдирланган. Тошкент вилояти „Олима“ уюшмаси раиси[1].