Dilbar Rashidova
- Ziyosferada ismi Dilbar va familiyasi Rashidova boʻlgan boshqa kishilar haqida ham maqolalar mavjud.
Dilbar Karimovna Rashidova (1958-yil 22-iyun, Toshkent, Oʻzbekiston SSR) — oʻzbekistonlik olima, qishloq xoʻjaligi fanlari doktori, professor.
| Dilbar Rashidova | |
|---|---|
|
| |
| Tavalludi |
1958-yil 22-iyun Toshkent, Oʻzbekiston SSR |
| Fuqaroligi |
|
| Sohasi | qishloq xoʻjaligi |
| Ish joylari | Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti |
| Taʼlimi | Toshkent qishloq xoʻjalik instituti |
| Ilmiy darajasi | qishloq xoʻjaligifanlari doktori |
| Ilmiy unvoni | professor |
| Mukofotlari |
|
Biografiyasi
Dilbar Rashidova 1958-yil 22-iyun Toshkentda tugʻilgan. 1980-yilda Toshkent qishloq xoʻjalik institutini tamomlagan[1]. 1980—1983-yillarda Oʻzbeskiton Fanlar akademiyasi Oʻsimliklar eksperimental biologiyasi institutida laborant, 1983-yilda Toshkent qishloq xoʻjalik institutida kichik ilmiy xodim, 1984—1987-yillarda Oʻzbeskiton Fanlar akademiyasi Oʻsimliklar eksperimental biologiyasi institutida stajyor-tadqiqotchi, 1987—1993-yillarda „Uzselxozximiya“da muhandis, katta agroximik, 1993—1997-yillarda „Wolfson Sharq Enterprises“ kompanitasi direktor muovini, 1997—2002-yillarda „Spesingeo“ firmasi direktor muovini, 2002—2014-yillarda respublika qishloq xoʻjalik ekinlari birlamchi urugʻchiligi va urugʻshunoslik stansiyasi laboratoriya mudiri lavozimida faoliyat koʻrsatgan. 2014-yildan Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti „Oʻsimliklar biokimyosi va fiziologiyasi“ laboratoryasida loyiha rahbari[1].
Oilasi
Oilali, 3 nafar farzandi bor[1].
Ilmiy faoliyati
2010-yilda nomzodlik, 2016-yilda doktorlik dissertatsiyasini himoya qilgan, 2021-yilda professorlik ilmiy unvoni berilgan[1]. Dilbar Rashidova tomonidan gʻoʻza chigiti va oʻsimligining rivojlanish jarayonlariga Bombyx Moridan ajratib olingan xitozan va uning xosilalari bilan kapsulalangan polimer tizimining taʼsiri aniqlangan. Gʻoʻzaning mahalliy UZXITAN polimer preparati bilan kapsulalangan urugʻlarida kechadigan oʻsish va rivojlanish jarayonlari koʻrib chiqib, fotosintetik jarayonga turli tashqi va ichki omillarning taʼsiri oʻrgangan, UZXITAN, karboksimetilxitozan (KMX), va shuningdek mis xitozan metallokompleksini urugʻlarni kapsulalashda qoʻllashning samaradorligi aniqlagan. 280 dan ortiq ilmiynmaqolalar, 6 ta monografiya, 6 ta tavsiyanoma, 5 ta patent va risolalar muallifi[1]. Dilbar Rashidova tomonidan „Semenovodstvo i semenovedenie selьskoxozyaystvennыx kulьtur“, „Qishloq xoʻjaligi mahsulotlarini tishtirishda polimer shaklli preparatlarning qoʻllanishi“, „Sovershenstvovanie opredeleniya kachestva posevnыx semyan selьskoxozyaystvennыx kulьtur“ va „Primenenie biologicheski aktivnыx polimerov na xlopchatnike“ nomli monografiyalar chop ettirilgan. 2021-yilda Oʻzbekiston Respublikasi mustaqilligining 30 yilligi esdalik nishoni bilan taqdirlangan. Toshkent viloyati „Olima“ uyushmasi raisi[1].