Eduard Mammadov
Eduard Mammadov (ozarbayjoncha: Eduard Tofiq oğlu Məmmədov; 1978-yilda Bokuda tugʻilgan) – ozarbayjonlik professional kikbokschi. „Oq boʻri“ laqabi bilan tanilgan. 28 karra jahon chempioni[1], 9 karra Yevropa chempioni, 9 karra jahon kubogi sohibi, 15 karra Ozarbayjon chempioni, Osiyo va Yevroosiyo chempioni, professionallar oʻrtasida jahon chempioni, professionallar oʻrtasida WAKO qitʼalararo kamar sohibi.
| Eduard Mammadov | |
|---|---|
 | |
| Shaxsiy maʼlumotlari | |
| Jinsi | Erkak |
| Taxallusi/Laqabi | „Oq boʻri“ |
| Fuqaroligi |
 Ozarbayjon |
| Tavallud sanasi |
1978-yil 2-yanvar Boku, Ozarbayjon |
| Faoliyat yillari | 1993—h.v |
| Boʻyi | 1.70 m |
| Vazni | 63 kg |
| Sport | |
| Qaysi sport | Kikboksing |
| Murabbiy(lar)i | Chingiz Eyvazov |
Ozarbayjonda xizmat koʻrsatgan sport ustasi, Ozarbayjonda xizmat koʻrsatgan murabbiy. Ozarbayjon Respublikasida faxriy jismoniy tarbiya va sport xodimi. Ozarbayjon kikboksing federatsiyasi boshqaruvi raisi oʻrinbosari, milliy terma jamoa bosh murabbiyi yordamchisi, Ozarbayjon Ichki ishlar vazirligi sport tayyorgarligi boshqarmasi boshligʻi, podpolkovnik.
Sportdagi faoliyati
1978-yil 2-yanvarda Boku shahrida tugʻilgan. 1993-yildan professional kikboksing bilan shugʻullana boshlagan. Faoliyatidagi ilk gʻalabasini 1995-yilgi Ozarbayjon chempionatida qoʻlga kiritgan. 1996—1999-yillarda harbiy xizmatni oʻtagan.
Eduard oʻzining eng unutilmas gʻalabalaridan birini 2000-yilda Gretsiyada boʻlib oʻtgan jahon chempionatida qoʻlga kiritgan. Jangning 15-soniyasida raqibini nokautga uchratib, jahon chempioni nomiga sazovor boʻlgan.
2015-yilning 25-dekabr kuni Ozarbayjon Prezidenti Eduard Mamedovni sportni rivojlantirishga qoʻshgan hissasi uchun bir qator mukofotlar bilan taqdirlagan. 2006, 2009, 2011 va 2014-yillarda Eduard Mamedov Ozarbayjonda yilning eng yaxshi sportchisi deb topilgan[2].
Murabbiylik faoliyati
2000-yildan beri Eduard kikboksing boʻyicha professional murabbiy hisoblanadi. Uning shogirdlari orasida koʻp karra jahon va Yevropa chempionlari mavjud.
2021-yilning 22-aprelida Ozarbayjon kikboksing federatsiyasi boshqaruvi raisi oʻrinbosari va terma jamoa bosh murabbiyi oʻrinbosari etib tayinlangan.
2021-yil 15-iyulda Ozarbayjon Respublikasi Ichki ishlar vazirligining „DINAMO“ sport jamiyatining bosh inspektori etib tayinlangan.
2016-yilda Eduard Mammadov „Oq boʻri“ (ozarbayjoncha: „Ağ Canavar“) nomli xususiy sport maktabiga asos solgan[3].
Manbalar
- ↑ „Eluard Mamedov vыigral chempionat mira v 28-y raz“. Qaraldi: 2023-yil 27-noyabr.
- ↑ „Segodnya denь rojdeniya 28-kratnogo chempiona mira Eduarda Mamedova“. Qaraldi: 2024-yil 17-aprel.
- ↑ „«Belыy volk»: 24-kratnыy chempion mira po kikboksingu Mamedov otkrыl svoyu shkolu“. 2019-yil 14-noyabrda asl nusxadan arxivlangan. Qaraldi: 2020-yil 4-yanvar.
 | Shaxsiyat haqidagi uşbu maqola çaladir. Siz uni boyitib, ZiyoSferaga yordam berişingiz mumkin. |
 | Sportga oid uşbu maqola çaladir. Siz uni boyitib, ZiyoSferaga yordam berişingiz mumkin. |