Ermanarix
Ermanarix, Germanarix (? — 375) — ostgotlar qiroli; Amallar xonadonidan. Shimoliy Qora dengiz boʻylarida gotlar bilan birga ayrim alan, slavyan, frakiyalik qabilalardan tashkil topgan qabilalar ittifoqi rahbari. Qoʻshnilari bilan urushlar olib borib ostgotlarga tobe hududni ancha kengaytirgan. E. "davlati" mustahkam emas edi, tobe qabilalarning, xususan, rosomonlarning isyoni uni larzaga solgan. Gunnlardan qaqshatqich magʻlubiyatga uchragan E. oʻzini oʻldirgan, qabilalar ittifoqi gunnlar tomonidan tormor qilingan. E. (Yormunrekk) — germanlar qahramonlik eposi qahramoni.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola çaladir. Siz uni boyitib, ZiyoSferaga yordam berişingiz mumkin. Bu andozani aniqrogʻiga almashtirish kerak. |