Furniturа

Furnituralar kiyimga bezak sifatida hamda kiyimning taqilmalarida ishlatiladi. Ularga tugmalar, ilgaklar, halqalar, pistonlar, turli molniya tasmalar 160 kiradi. Tugmalar faqat taqish uchungina emas, balki kiyimni bezash uchun ham ishlatiladi. Tugmalar tayyorlanadigan xomashyolar turli-tuman bo‘ladi. Bular plastmassalar, yog‘och, shisha, metall, suyak va hokazolar.

Tugmalarga qo‘yiladigan asosiy talablar: pishiqlik, suv ta‘siriga chidamlilik, sovunli eritmada qaynatilganda aynimaslik. Tugmalar 1,5 m balandlikdan tashlab yuborilganda shikastlanmasligi lozim. Tugmalar sovunli eritmada qaynatilganda tashqi ko‘rinishi, shakli, rangi o‘zgarmasligi, darz ketmasligi kerak. Rangi yorug‘lik va ob-havo ta‘siriga chidamli bo‘lishi kerak. Tugmalar ishlatilishiga ko‘ra quyidagicha tavsiflanadi Ishlatilishiga ko‘ra: tugmalar palto, kostum, ko‘ylak, shim, ich kiyim, forma va bolalar kiyimlari uchun mo‘ljallangan xillarga bo‘linadi. Materialga qarab: tugmalarning metall, shisha, shox yoki suyak, sadaf, yog‘och, press kukundan qilingan va boshqa xillari bo‘ladi. Tashqi ko‘rinishiga: ya‘ni shakliga ko‘ra dumaloq, sharsimon, oval, yarimsharsimon tugmalar; sirtining harakatiga ko‘ra silliq va relyefli; rangiga ko‘ra qora, oq, guldor, yoqut, kahrabo va boshqa rangli tugmalar bo‘ladi.