Joma
Joma (ispancha talaffuzi: [ˈxoma] – Homa) – ispan sport kiyimlari va poyabzallar ishlab chiqaruvchisi. Bosh ofisi Ispaniyaning Toledo provinsiyasidagi Portillo de Toledo shahrida joylashgan. Kompaniyaning nomi taʼsischisining oʻgʻli Jose Manueldan kelib chiqqan boʻlib, u hozir kompaniya prezidentidir[1].
| Tarmogʻi | Sport buyumlarini ishlab chiqarish |
|---|---|
| Qachon asos solingan | 1965 |
| Asoschi(lari) | Fructuoso Lopez |
| Mahsulot(lar)i | Sport buyumlari |
| Vebsayti | joma-sport.com |
Tarixi
Kompaniya 1965-yilda yilda Fructuoso Lopez tomonidan tashkil etilgan. Dastlab oddiy poyafzal ishlab chiqarishga ixtisoslashgan kompaniya xodimlari atigi 8 kishidan iborat edi. 1968-yilda brend sport va dam olish poyabzali segmentiga eʼtibor qaratishga qaror qildi. 1980-yilda kompaniya birinchi marta Myunxendagi ISPO (Xalqaro sport kiyimlari va anjomlari koʻrgazmasi)da taqdimot qildi. U paytda zavodida 70 dan ortiq kishi ishlagan. 50 yillik faoliyati davomida Joma xalqaro darajadagi kompaniyaga aylandi[2]. Hozir futbol, basketbol, qoʻl toʻpi, voleybol va yengil atletikaga ixtisoslashgan. U koʻplab mamlakatlar Olimpiya qoʻmitalari rasmiy homiysi hisoblanadi. Rio-de-Janeyroda boʻlib oʻtgan Olimpiadada brend Ispaniya, Portugaliya, Meksika, Bolgariya va boshqa Olimpiya qoʻmitalari homiysi boʻldi.
Manbalar
- ↑ „EL PAIS: Economia "Semeynaya transnatsionalьnaya kompaniya upravlyaet biznesom s oborotom 250 millionov evro na svoem zavode v Portilьo."“. 2022-yil 13-martda asl nusxadan arxivlangan. Qaraldi: 2022-yil 13-mart.
- ↑ „Istoriya kompanii“. 2019-yil 31-iyulda asl nusxadan arxivlangan. Qaraldi: 2022-yil 13-mart.