Ziyosfera

Kirill Altman

Kirill Altman (ruscha: Kirill Zaminovich Alьtman; 1988-yil 21-mart, Urganch, Xorazm viloyati, Oʻzbekiston SSR, SSSR) — Oʻzbekistonda taniqli bloger[1], jurnalist va tadbirkor. „Shuhrat“ medali sohibi (2021).

Kirill Altman
ruscha: Kirill Zaminovich Alьtman

Kirill Altman 2021-yilda
Tavalludi 1988-yil 21-mart (1988-03-21) (38 yosh)
Urganch, Xorazm viloyati
Fuqaroligi Oʻzbekiston bayrogʻi Oʻzbekiston
Taʼlimi Toshkent davlat universiteti (2009)
Kasbi bloger, jurnalist, tadbirkor
Mukofotlari

Kirill Altman 2019-yilda Oʻzbekistonning so‘nggi yillardagi jamoatchilik faollari Top-30 talik ro‘yxatiga kiritilgan. U shuningdek „Oltin qalam“ mukofotining 2023-yilgi gʻolib va sovrindorlaridan biridir.

2017-yildan YouTubedagi „Alter Ego“ mualliflik kanalining boshlovchisi. Unda Kirill Altman mashhur kishilardan intervyu oladi va hujjatli filmlar chiqaradi. „Alter Ego“ kanalidagi ayrim intervyulardan parchalar Prezident Shavkat Mirziyoyevning saylovoldi roliklariga ham kiritilgan.

Tarjimayi holi

Kirill Altman 1988-yil 21-mart kuni Xorazm viloyatining Urganch shahrida tugʻilgan. Oʻzi bergan intervyuda aytishicha, Toshkent davlat universitetining Jurnalistika fakultetini tamomlagan va oliygohda oʻqishi davomida qandaydir oʻziga xos, alohida aloqalar yoki malaka topmagan[2]. Rossiyalik hamkasbi Yuriy Dudning faoliyatidan ilhomlangan Kirill Altman 2017-yilda „Alter Ego“ YouTube-kanalini yaratadi. Kanalda u mashhur kishilardan intervyu oladi. Intervyu bergan bunday kishilar orasida Oleg Malginov, Jahongir Ortiqxoʻjayev, Alisher Qodirov[1], Murod Nazarov va boshqalar bor[3]. „Alter Ego“ kanalidagi ayrim intervyulardan parchalar Prezident Shavkat Mirziyoyevning saylovoldi roliklariga ham kiritilgan[1].

Kirill Altman „Yuksalish“ umummilliy harakati Ijtimoiy va iqtisodiy tashabbuslar instituti ekspertlari bilan hamkorlikda 2019-yilda tuzgan Oʻzbekistonning so‘nggi yillardagi jamoatchilik faollari Top-30 talik ro‘yxatiga kiritilgan[4][5].

Shavkat Mirziyoyev Oʻzbekiston mustaqilligining 30 yilligi munosabati bilan 2021-yilda Kirill Altmanni „Shuhrat“ medali bilan taqdirlagan[6][7][8][9]. Farmonda u bloger sifatida koʻrsatilgan. Ammo Kirill Altman blogerlik faoliyatidan oldin tadbirkorlik faoliyati bilan shugʻullanib, „Brandbox Branding“ grafik dizayn agentligi va „Days“ onlayn-doʻkoniga rahbarlik qilgan[3].

Kirill Altman „Oltin qalam“ mukofotining 2023-yilgi gʻolib va sovrindorlaridan biri boʻlib, „Internet tarmog‘ida eʼlon qilgan eng yaxshi materiali uchun“ yoʻnalishida g‘oliblar safidan joy egallagan[10].

Manbalar

  1. ↑ 1,0 1,1 1,2 „Uzbekistan prodlit epoxu renessansa“ (ru). Kommersant.uz (24-oktyabr 2021-yil). Qaraldi: 30-iyun 2023-yil.
  2. ↑ „Kirill Alьtman: kak zarabotatь na lichnom brende v Uzbekistane, skolьko platyat za post v Facebook i chto budet s Alter Ego“ (ru). Spot.uz (15-noyabr 2018-yil). Qaraldi: 30-iyun 2023-yil.
  3. ↑ 3,0 3,1 „Kirill Alьtman nagrajden medalьyu «Shuxrat»“ (ru). Spot.uz (25-avgust 2021-yil). Qaraldi: 30-iyun 2023-yil.
  4. ↑ „„Yuksalish“ harakati Oʻzbekistonning OAV va internet tarmogʻidagi jamoatchilik faollari Top-30 talik roʻyxatini tuzdi“. Daryo.uz (19-oktyabr 2019-yil). Qaraldi: 30-iyun 2023-yil.
  5. ↑ „«Yuksalish» nazval top-30 obщestvennыx aktivistov“ (ru). Gazeta.uz (23-oktyabr 2019-yil). Qaraldi: 30-iyun 2023-yil.
  6. ↑ „O nagrajdenii v svyazi s tridtsatiletiem gosudarstvennoy nezavisimosti Respubliki Uzbekistan gruppы rabotnikov sfer nauki, obrazovaniya, zdravooxraneniya, sporta, literaturы, kulьturы, iskusstva i sredstv massovoy informatsii“ (ru). Prezident.uz (24-avgust 2021-yil). Qaraldi: 30-iyun 2023-yil.
  7. ↑ „O nagrajdenii v svyazi s tridtsatiletiem gosudarstvennoy nezavisimosti Respubliki Uzbekistan gruppы rabotnikov sfer nauki, obrazovaniya, zdravooxraneniya, sporta, literaturы, kulьturы, iskusstva i sredstv massovoy informatsii“ (ru). Uza.uz (24-avgust 2021-yil). Qaraldi: 30-iyun 2023-yil.
  8. ↑ „Ijtimoiy sohalarda faoliyat yuritayotgan 266 kishi davlat mukofotlari bilan taqdirlandi“. Kun.uz (24-avgust 2021-yil). Qaraldi: 30-iyun 2023-yil.
  9. ↑ „Shavkat Mirziyoyev Oʻzbekiston mustaqilligining 30 yilligi munosabati bilan bir guruh faol fuqarolarni mukofotladi“. Daryo.uz (24-avgust 2021-yil). Qaraldi: 30-iyun 2023-yil.
  10. ↑ „„Oltin qalam“ mukofotining 2023-yilgi gʻolib va sovrindorlari aniqlandi“. Gazeta.uz (16-may 2023-yil). Qaraldi: 30-iyun 2023-yil. 
"https://new.ziyosfera.uz/ziyo/Kirill_Altman" dan olindi