Ziyosfera

Leonid Aronzon

Leonid Lvovich Aronzon (1939-yil 24-mart, Leningrad – 1970-yil 13-oktyabr, Gʻazalkent) – rus shoiri.

Leonid Aronzon
Tavalludi 24-mart 1939-yil
Leningrad, SSSR
Vafoti 13-oktyabr 1970-yil
Gʻazalkent, Toshkent viloyati, OʻzSSR, SSSR
Fuqaroligi SSSR bayrogʻi SSSR
Faoliyat yillari 1955–1970

Biografiya

Leonid Lvovich 1939-yil 24-martda Leningradda Mogilyovdan kelgan muhojirlar, qurilish muhandisi Lev Moiseyevich Aronzon (?–1975) va shifokor Hana Xaimovna (Anna Efimovna) Aronzon (qizlik familiyasi Geller, 1902–1989), oilasida tavallud topgan[1]. Otasi Lev Aronzon Mogilyovda maktabni tugatgandan soʻng, Leningrad qurilish institutini hamda koʻpriklar va tunnellarni loyihalash boʻyicha ixtisoslashgan Moskva oliy texnil institutini tamomlagan. Onasi, Mogilyov savdogari Xaim Neuxovich Gellerning qizi va ravvinlarning nabirasi boʻlgan[2]. Hana I. I. Mechnikov nomidagi Leningrad davlat tibbiyot bilimlari institutini tamomlagan[3]. Ota-onasi 1926-yilda Leningradda turmush qurishgan. Oilasi 2-Sovet koʻchasida, 27-uyda yashagan[4].

1941-yil iyul oyining oxirida Lev Moisyevich va oʻgʻllari Leonid va Vitaliy Butunittifoq dizayn alyuminiy-magniy instituti „Giproaluminiy“ bilan birga Lyonvaga evakuatsiya qilingan[5][6]. Onasi, oʻsha paytga qadar harbiy shifokor, tibbiy xizmat mayori boʻlgan[7] va qamalda boʻlgan Leningradda qolgan. Hana Xaimovna Leningrad va Volxov frontlaridagi dala gospitallarida xizmat qilgan, keyinchalik Lenva va Dedyuxin evakuatsiya kasalxonalarida boshliq boʻlib ishlagan[8]. 1944-yil Leningradda Qizil Yulduz ordeni bilan taqdirlangan (1945)[9]. 1944-yil avgust oyining oxirida Leonid va uning ukasi Leningradga onasining yoniga qaytib kelishgan.

Leonid Lvovich 1957-yilda 167-sonli oʻrta maktabni va 1963-yilda Leningrad pedagogika institutini tamomlagan (avval Biologiya va tuproq fakultetida oʻqigan, keyin filologiya fakultetida va 1959-yilda institutning sirtqi boʻlimida tahsil olgan). Leonid oʻqish paytida boʻlajak rafiqasi Rita Moiseyevna Purishinskaya (1935–1983) bilan tanishgan va u bilan 1958-yil 26-noyabrda turmush qurgan. 1960-yilda oyogʻida ostit kasalligi boʻlganligi tufayli yetti oy kasalxonada yotgan, shundan soʻng nogiron boʻlib qolgan. U kechki maktabda dars bergan va pul topish uchun ilmiy-ommabop filmlar uchun ssenariylar yozgan. Aronzon 1960-yillarning boshlarida Iosif Brodskiy bilan muloqot qilgan (1960-yilda unga geologiya-qidiruv ekspeditsiyasida ishga kirishda yordam bergan), 1965-yilda Vladimir Erl va Malaya Sadovayaning boshqa shoirlari bilan tanishgan hamda Mixnov-Voytenko va A. Altshuler bilan doʻstlashgan. 1960–1970-yillarda kuchli depressiyadan aziyat chekkan.

Rasmiy maʼlumotlarga koʻra, Leonid Lvovich Oʻrta Osiyoga safari chogʻida ov miltigʻi bilan oʻzini otgan. Biroq, patologik tekshiruv natijalariga koʻra, bu baxtsiz hodisa boʻlganligini koʻrsatadi. U Gʻazalkentdagi shifoxonada vafot etgan.

Manbalar

  1. ↑ „Probudim vospominaniya (iz knigi «Bez gneva i pristrastiy). Vitaliy Aronzon. Zametki po evreyskoy istorii, №7“. litbook.ru. Qaraldi: 2023-yil 20-noyabr.
  2. ↑ Odin ded materi, Neux Geller, bil ravvinom v Mogilyove, drugoy – Mixl Rabkin – v Starobixove. Yeyo otes, kupes 2-y gildii Xaim Neuxovich Geller, bil zanyat v optovoy torgovle riboy.
  3. ↑ „Vitaliy Aronzon: Probudim vospominaniya (iz knigi «Bez gneva i pristrastiy»)“. 2019-yil 30-oktyabrda asl nusxadan arxivlangan. Qaraldi: 2019-yil 24-noyabr.
  4. ↑ „Aronzon Leonid. Sobranie proizvedeniy (v 2-x tomax)“. 2021-yil 17-yanvarda asl nusxadan arxivlangan. Qaraldi: 2019-yil 24-noyabr.
  5. ↑ „Lev Moiseevich Aronzon v evakuatsionnыx spiskax (1942)“. 2021-yil 16-yanvarda asl nusxadan arxivlangan. Qaraldi: 2019-yil 24-noyabr.
  6. ↑ „Leonid Aronzon v evakuatsionnыx spiskax (muzey Yad Vashem, Ierusalim)“. 2021-yil 16-yanvarda asl nusxadan arxivlangan. Qaraldi: 2019-yil 24-noyabr.
  7. ↑ „A. E. Aronzon na sayte «Podvig naroda»“. 2010-yil 14-aprelda asl nusxadan arxivlangan. Qaraldi: 2019-yil 24-noyabr.
  8. ↑ „Nagradnoy list“. 2010-yil 14-aprelda asl nusxadan arxivlangan. Qaraldi: 2019-yil 24-noyabr.
  9. ↑ „Predostavlenie k ordenu Krasnoy Zvezdы“. 2010-yil 14-aprelda asl nusxadan arxivlangan. Qaraldi: 2019-yil 24-noyabr. 
"https://new.ziyosfera.uz/ziyo/Leonid_Aronzon" dan olindi