Leonid Kanter
Leonid Vilenovich Kanter (ukraincha: Leonіd Vіlenovіch Kanter; 1981-yil 27-iyul, Kiyev, Ukraina SSR, SSSR — 2018-yil 4-iyun, Obirki, Chernigov viloyati, Ukraina) — ukrainalik hujjatli filmlar rejissyori, prodyuser, telejurnalist va yozuvchi. Ukraina sharqidagi qurolli mojaro haqida bir qancha hujjatli filmlar muallifi, jumladan, „Mif“ hujjatli filmining hammuallifi.
| Leonid Kanter | |
|---|---|
 | |
| Tavalludi |
27-iyul 1981-yil |
| Vafoti |
4-iyun 2018-yil (36 yoshda) Obirki, Chernigov viloyati, Ukraina |
| Fuqaroligi |
 Ukraina |
| Taʼlimi | Kiyev milliy teatr, kino va televideniye universiteti |
| Kasbi | hujjatli filmlar rejissyori, prodyuser, telejurnalist va yozuvchi |
Biografiyasi
Leonid Kanter 1981-yil 27-iyulda Kiyevda tugʻilgan. Bolaligi va yoshligi shu yerda oʻtgan. 1998-yilda 145-sonli Kiyev tabiiy fanlar litseyini tamomlagan. 2002-yilda I. K. Karpenko-Kari nomidagi Kiyev milliy teatr, kino va televideniye universitetini tamomlagan[1]. 1999-yildan Ukraina televideniyesida ishlagan. Shu yildan „Priydeshnі znamenitostі“ koʻrsatuvi boshlovchisi boʻlgan. 2003-yilda oʻzining birinchi „Lizard Films“ kinostudiyasiga asos solib, 50 dan ortiq qisqa metrajli filmlar va bir nechta toʻliq metrajli hujjatli filmlarni suratga olgan. 2004—2007-yillarda I. K. Karpenko-Kari nomidagi Kiyev milliy teatr, kino va televideniye universitetida dars bergan. 2005-yilda talabalar jamoasiga Ukrainadagi birinchi sayyohlik markazai „Plitse“dagi togʻ yoʻlini tozalashga yordam beradi. 2007-yilda „Xutor Obirki“ ijodkorlar jamoasiga asos solgan[2]. Jamoaning qarorgohi Chernigov viloyatining Obirki qishlogʻida joylashgan, bu yerda festivallar, sanʼat tadbirlari, milliy bayramlar, ijodiy maktablarning kechalari oʻtkazilgan. Eng mashhur tadbirlari „XLEB svoimi rukami“[3] va „Mama Afrika“ birinchi afro-etnik festivali[4] boʻlib, unda ishtirok etgan mehmonlari orasida kinorejissyor Mixaylo Illenko, vazirlar Igor Shvayka, Volodimir Omelyanlar ham bor boʻlgan. 2010-yillarda Obirok tumanida qoʻriqxona tashkil etish tarafdori boʻlgan, ammo bu hech qanday natijani bermagan. Yevromaydonni faol qoʻllab-quvvatlagan. 2014-yil mart oyida Rossiya tomonidan anneksiya qilingan Qrimga tashrif buyuradi. 2018-yilning 4-iyun kuni mahalliy vaqt bilan taxminan 22:00da Ukrainaning Chernigov viloyati Obirki qishlogʻida boshidan oʻq jarohati bilan oʻlik holda topilgan[5]. Dastlabki versiyaga koʻra, oʻz joniga qasd qilgan[6][7]. Oʻz joniga qasd qilishi toʻgʻrisida maktub qoldirgan, uning mazmuni oshkor etilmagan[8][9].
Filmografiyasi
- 2001 — „Chelovek bez shlyapi“ — Rejissyor
- 2002 — „Yolka“ — Rejissyor
- 2003 — „Ponyatiya“ — Rejissyor
- 2003 — „Gnev“ — Rejissyor
- 2006 — „S taburetom cherez Gimalai“ (uch qismli) — Prodyuser, ssenariy muallifi
- 2014 — „Voyna za svoy schyot“ (I. Yasniy bilan birgalikda) — Rejissyor
- 2015 — „Dobrovolsi bojego soyuza“ (I. Yasniy bilan birgalikda) — Rejissyor
- 2018 — „Mif“ (I. Yasniy bilan birgalikda) — Rejissyor
Manbalar
- ↑ „Katerina Shalkіna, balerina“ (uk). 2021-yil 4-aprelda asl nusxadan arxivlangan. Qaraldi: 2018-yil 5-iyun.
- ↑ „Obirok“. 2017-yil 18-iyulda asl nusxadan arxivlangan. Qaraldi: 2018-yil 6-iyun.
- ↑ „«XLІB svoїmi rukami»“. 29 chervnya 2017da asl nusxadan arxivlangan. Qaraldi: 3 lipnya 2017.
- ↑ „«Mama Afrika»“ (deadlink). 3 lipnya 2017da asl nusxadan arxivlangan. Qaraldi: 3 lipnya 2017.
- ↑ „Rejiser Leonіd Kanter skoїv samogubstvo — polіtsіya“. 12 chervnya 2018da asl nusxadan arxivlangan. Qaraldi: 5 chervnya 2018.
- ↑ Miroslav Gay facebook, 6 chervnya 2018 17:44.
- ↑ „«Bachiv tіlo»: drug vіdomogo ukraїnsьkogo rejisera rozpovіv podrobitsі yogo samogubstva“. 12 chervnya 2018da asl nusxadan arxivlangan. Qaraldi: 7 chervnya 2018.
- ↑ „Rejissyor Leonid Kanter sovershil samoubiystvo — politsiya“. 2018-yil 12-iyunda asl nusxadan arxivlangan. Qaraldi: 2018-yil 6-iyun.
- ↑ „Rejiser fіlьmu "Mіf" Leonіd Kanter vchiniv samogubstvo - 24 Kanal“. 24 Kanal. 18 chervnya 2018da asl nusxadan arxivlangan. Qaraldi: 2018-yil 17-iyun.