Limburg pirogi (Limburg flayi; niderlandcha: Limburgse vlaai, limb. Vlaaj, Vlaoj) — anʼanaviy Niderlandiya oshxonasiga xos boʻlgan mevali pirog turlaridan biri. Ilk bor yozma manbalarda XIV asrda eslab oʻtilgan.

Bezash yoki toʻldiruvchi sifatida qaymoq yoki krem qoʻllanilsa, bu pirog Limburg pirogi deb atalmaydi.[1][2] U „Rijstevlaai (Wayback Machine saytida 2016-06-24 sanasida arxivlangan)“ deb nomlanadi.

Niderlandiyada limburg piroglari juda mashhur. Butun mamlakat boʻylab 116 dan ortiq shoxobchasiga ega boʻlgan MultiVlaai milliy kompaniyasining (shunday piroglarni sanoat usulida ishlab chiqarishga ixtisoslashgan) muvaffaqiyatli faoliyat yuritishi buning isbotidir[3].

Tarixi

Limburg yassi pirogini Niderlandiyaning qadimiy taomlaridan biri deb hisoblash mumkin. Pirog (vlaai) va uni tayyorlashga ixtisoslashgan pishiruvchilar (vladbecker) haqidagi ilk eslatmalar 1338-yil solnomasida bitilgan. Dastlab, bu piroglar yiliga ikki marta cherkov bayramlari chogʻida tortiq qilish uchun pishirilgan[4].

Vlaai soʻzi rus tilida „flay“ deb talaffuz etiladi. Golland (niderland) tiliga xos fonetika qoidalarga muvofiq, V undoshi yarim jarangli tovush boʻlib, u jarangsiz F dan jarangdorligi bilan ajralib turadi W tovushidan esa koʻproq talaffuz chogʻidagi ishqalanishi va keskinligi bilan farq qiladi, natijada istisno qilinmagan holda „ve“ tarzida talaffuz etiladi[5].

Tarkibi

Xamir uchun

Xamirni tayyorlash uchun asosiy qoʻshimchalar: un, quruq xamirturush, sariyogʻ, tuz, shakar, tuxum sarigʻi, sut.[6] Xamir qattiqroq boʻlishi hamda pirogni uzoqroq saqlash maqsadida manniy krupa qoʻshiladigan retseptlar ham mavjud[7] .

Toʻldirish uchun

Xamir ichini toʻldirish uchun barcha turdagi mevalar (gilos, oʻrik, qoragʻat, olma) ishlatiladi. Murabbolardan ham foydalansa boʻladi. Shuningdek, pishloq, rovoch ildizi, qoʻziqorin solinadigan piroglar ham bor.[8]

Tayyorlanishi

Tayyorlash jarayoni har qanday xamirturushli xamirdan pirog pishirish bilan bir xil. Oʻziga xos jihati — xamir kesmalarini panjara shaklida pirogga solingan toʻldirma ustiga yotqizib, chetlarini ichkariga oʻrab qoʻyishdir. Shuningdek, toʻldirmaning ustini xamir bilan butunlay yopsa ham boʻladi.

180 °C issiqlikda taxminan 20 daqiqa davomida pishiriladi[9].

Galereya

Yana qarang

  • Gollandiya oshxonasi
  • Flan
  • Crostat

Havolalar

Manbalar

  1. ↑ Merinka. „Limburgskiy flay (Limburgse vlaai) s revenyom“. Moi lyubimыe retseptы. 2016-yil 11-iyunda asl nusxadan arxivlangan. Qaraldi: 2016-yil 13-may.
  2. ↑ Ada Henne Koene. Food Shopper's Guide to Holland. Delft: Eburon, 2000 — 138-bet. ISBN 9789059725003. 
  3. ↑ Ellina. „ChTO EDYaT V NIDERLANDAX NA DESERT?“. Kuxnya Niderlandov. elligo.ru (2012-yil 11-sentyabr). 2016-yil 30-mayda asl nusxadan arxivlangan. Qaraldi: 2016-yil 13-may.
  4. ↑ Olьga Baklanova. „Limburgskiy pirog“. Vыpechka. Vsya Solь.RU (26/12/14). 2016-yil 2-iyunda asl nusxadan arxivlangan. Qaraldi: 2016-yil 13-may.
  5. ↑ T.N. Drenyasova, L. S. Shechkova. Nederlands. Niderlandskiy yazыk. Prakticheskiy kurs, vtoroe ispravlennoe, Sankt-Peterburg: "Glossa", 1998 — 26-bet. ISBN 5-7498-0024-5. 
  6. ↑ Marina. „Limburgskiy flay“. Vыpechka. Retsept|Kulinarnie resepti runeta. 2016-yil 30-mayda asl nusxadan arxivlangan. Qaraldi: 2016-yil 13-may. (Wayback Machine saytida 2016-05-30 sanasida arxivlangan)
  7. ↑ Aleksandr. „Malenьkie xitrosti: chtobы pirog bыl pыshnыm“ (deadlink). Vыpechka, Sdobnaya vыpechka. POKUSHAY.RU. 2016-yil 4-iyunda asl nusxadan arxivlangan. Qaraldi: 2016-yil 13-may. (Wayback Machine saytida 2016-06-04 sanasida arxivlangan)
  8. ↑ Ken Albala. Food Cultures of the World Encyclopedia. Volume 1. Greenwood, 2011 — 253-bet. ISBN 978-0-313-37627-6. 
  9. ↑ „Retsept. Limburgskiy flay“. Zolotыe retseptы. goldrecipes.ru (2014-yil 31-may). 2016-yil 4-iyunda asl nusxadan arxivlangan. Qaraldi: 2016-yil 13-may.