Lori
Лори (арм.. Լոռի) пишлоқнинг шўр нави бўлиб, уни тайёрлаш учун пастеризацияланган сигир сути, баъзан эса ҳўкиз сути аралашмаси ишлатилади. Арманистонда ишлаб чиқарилган[1]. Пишлоқ биринчи марта тайёрланган ҳудуд номи билан аталган.
Тавсиф
Лори пишлоқи ўткир ва нордон таъмлар ҳамда шўр таъми билан ажралиб туради[2]. Пишлоқ бошининг вазни 4 дан 6 килограммгача, узунлиги 30 сантиметрдан ошмайди, кенглиги 15 сантиметр ва баландлиги 12 сантиметрга тенг. Тайёр маҳсулотнинг қобиғи йўқ, лекин турли шакл ва ўлчамлари мавжуд. Таркиби мўрт ва зич. Маҳсулотнинг ёғ миқдори 50% дан, туз миқдори 4 % дан ошмаслиги керак. Пишлоқнинг нормал намлиги 44% ни ташкил қилади[2].
Ишлаб чиқариш
Ишлаб чиқариш жараёнида сут 33 градусгача қиздирилса, ширдон ферменти қўшилиши лозим. Қалинлашган пишлоқ массаси тахминан 10 миллиметр ўлчамдаги донларга кесилади. Зардобнинг учдан бир қисми ажратилади, масса 37 даража ҳароратгача иситилади. Прессланади ва қуритилади. Пишлоқ тўртбурчаклар шаклида бўлакларга бўлинади, сўнгра махсус қолипларга 5-6 соат давомида жойлаштирилади ва бир неча марта айлантирилади. Бу вақт ичида ортиқча суюқлик пишлоқни тарк этади ва масса 12-14 даража ҳароратда 14 кун давомида эритмада қўшимча тузланади[3]. Лорининг пишиб етиш жараёни полимер плёнкали пакетда 45 кун давомида содир бўлади[1], сўнгра худди шу пакетда у дўконларга ва сотиладиган чакана савдо тармоқларига оборилади.
Манбалар
- ↑ 1,0 1,1 „Лори“. 2021-йил 5-июнда асл нусхадан архивланган. Қаралди: 2017-йил 8-январ.
- ↑ 2,0 2,1 „Лучшие армянские сыры и как их готовить“. 2021-йил 5-июнда асл нусхадан архивланган. Қаралди: 2017-йил 8-январ.
- ↑ „Сыр лори“. 2021-йил 5-июнда асл нусхадан архивланган. Қаралди: 2017-йил 8-январ.