Mirzayusuf Rustamboyev
| Mirzayusuf Hakimovich Rustamboyev | |
|---|---|
.jpg) | |
| Oʻzbekiston Respublikasi Milliy gvardiyasi Jamoat xavfsizligi universiteti boshligʻi | |
|
Mansab davri 2021-yildan[1] | |
| Prezident | Shavkat Mirziyoyev |
| Bosh vazir | Abdulla Aripov |
| Oʻtmishdoshi | lavozim taʼsis etilgan |
 | |
|
Mansab davri 2001-yildan – 2012-yilgacha | |
| Prezident | Islom Karimov |
| Bosh vazir | Shavkat Mirziyoyev |
| Oʻtmishdoshi | Halimboy Boboyev |
| Vorisi | Omonulla Muhammadjonov |
| Shaxsiy maʼlumotlari | |
| Tavalludi |
1953-yil 15-oktyabr Jambul (viloyat) |
| Mukofotlari |
  |
| Unvoni | Polkovnik |
Mirzayusuf Hakimovich Rustamboyev (ruscha: Mirzayusuf Xakimovich Rustambaev, 15-oktyabr, 1953-yil, Jambul, Qozogʻiston SSR) – oʻzbek huquqshunosi, yuridik fanlar doktori, professor. 2021-yildan Oʻzbekiston Respublikasi Milliy gvardiyasi Jamoat xavfsizligi universiteti boshligʻi[2]. 2001-yildan 2012-yilgacha Toshkent yuridik instituti rektori.
Biografiya
1975-yilda Toshkent universitetining yuridik fakultetini bitirgan.
1977—1983-yillarda Oʻzbekiston SSR prokuraturasida ishlagan.
1983—2001-yillarda Toshkent yuridik institutida metodistdan prorektor lavozimigacha boʻlgan yoʻlni bosib oʻtdi.
2001—2012-yillarda Toshkent davlat yuridik instituti rektori boʻlgan.
2001—2002-yillarda davlat boshqaruvini demokratlashtirish va referendum oʻtkazish boʻyicha respublika ishchi guruhi aʼzosi.
2005—2010-yillarda Oʻzbekiston Respublikasi Oliy Majlisi Senatining aʼzosi, Qonunchilik va sud-huquq masalalari qoʻmitasi raisining oʻrinbosari boʻlgan.
2021-yil 22-aprelda Oʻzbekiston Respublikasi Milliy gvardiyasi Jamoat xavfsizligi universiteti boshligʻi etib tayinlandi va unga polkovnik harbiy unvoni berildi[3].
„Shaxsga qarshi jinoyatlar“, „Oʻzbekiston Respublikasining jinoyat huquqi“ darsliklari muallifi[4]. Oʻzbekiston milliy ensiklopediyasi Davlat ilmiy nashriyoti va yuridik ensiklopediyasi tahrir hay’ati aʼzosi boʻlgan.
Oilasi
Oʻgʻli Sardor Rustamboyev – diplomat, siyosiy fanlar nomzodi. 2018-yildan 2024-yilgacha Oʻzbekiston Respublikasining Fransiya va Portugaliyadagi, 2024-yildan Hindistondagi elchisi[5].
Mukofotlari
2002-yilda Oʻzbekistonda xizmat koʻrsatgan yurist faxriy unvoni berilgan[6]
2021-yilda Toshkent davlat yuridik universitetining faxriy professori unvoni bilan taqdirlandi[7].
2022-yilda 2-darajali „Shon-sharaf“ ordeni bilan taqdirlangan[8].
Manbalar
- ↑ „Nachalьnik universiteta polkovnik Rustambaev Mirzayusup Xakimovich“.
- ↑ „RUSTAMBAEV Mirzayusuf Hakimovich“.
- ↑ „Milliy gvardiya instituti Jamoat xavfsizligi universiteti etib qayta tashkil etildi“.
- ↑ „Rustambaev, Mirzayusup Xakimovich - Ugolovnoe pravo Respubliki Uzbekistan. Osobennaya chastь : Ucheb. dlya vuzov“.
- ↑ „Prezident Frantsii prinyal veritelьnыe gramotы ot posla Uzbekistana“.
- ↑ „Oʻzbekiston Respublikasi mustaqilligining oʻn bir yilligi munosabati bilan huquqni muhofaza qilish organlari, Mudofaa va Favqulodda vaziyatlar vazirliklari, Davlat chegaralarini himoya qiluvchi qoʻmitasi xodimlaridan bir guruhini mukofotlash toʻgʻrisida“.
- ↑ „Professor Mirzayusuf Rustamboyev TDYU “Faxriy professori” faxriy unvoni bilan taqdirlandi“.
- ↑ „Nashi soslujivtsы, poluchivshie gosudarstvennыe nagradы“. 2023-yil 21-sentyabrda asl nusxadan arxivlangan. Qaraldi: 2023-yil 15-oktyabr.