Mixail Kurzin
Kurzin Mixail Ivanovich (1888-yil, Barnaul, Rossiya imperiyasi – 1957-yil, Toshkent, Oʻzbekiston SSR) – rassom, oʻqituvchi, sibir va oʻzbek avangard rassom yetakchilaridan biri[1].
| Mixail Kurzin | |
|---|---|
| Tavalludi |
1888-yil Barnaul,
Rossiya imperiyasi |
| Vafoti |
1957-yil |
| Fuqaroligi | sovet |
| Taʼlimi | Moskva rassomlik, haykaltaroshlik va arxitektura instituti |
| Kasbi | rassom, oʻqtuvchi |
Hayoti
Mixail Kurzin 1888-yilda Barnaul, Rossiya imperiyasida tugʻilgan.
1904—1907-yillarda Qozon rassomlik bilim yurtida tahsil olgan. 1908-yildan boshlab Moskva rassomlik, haykaltaroshlik va arxitektura institutida oʻqigan. Uning ustozi K. Korovin boʻlgan. 1910—1912-yillarda Sankt-Peterburgda rassom Brenshteynning qoʻlida ishlagan. 1916-yilda u armiya safiga chaqiruv xati olgan. 1918-yilda xizmatni oʻtab Barnaulga qaytgan[2]. U oʻz atrofida bir guruh rassomlarni birlashtirib Oltoy oʻlkasidagi badiiy-texnika ustaxonalarida dars bergan. 1919-yilda Toshkent va Xitoyga sayohat qilgan. 1921—1922 yillarda u Moskva davlat institutida materiallar texnologiyasidan dars bergan.
1923-yilda rafiqasi Yelena Korovai bilan birga Qrimga koʻchib oʻtgan. 1924-yilda Toshkentga koʻchib kelgan va umrining oxirigacha shu yerda yashagan[2]. U Toshkentdagi teatrlaridan birida rassom boʻlib ishlagan. 1927-yilda u Mastera Novogo Vostoka rassomlar guruhini tuzgan. 1929-yilda Toshkent tasviriy sanʼat hodimlari uyushmasining raisi boʻlib ishlagan.
1930-yilda V. P. Markovaga uylangan. Uning xotini ham rassom boʻlgan.
1936-yilda sud qilinib, besh yilga qamalgan. 1945-yildan boshlab Buxoroda yashagan. 1948-yilda u yana sud qilinib[3] Krasnoyarsk oʻlkasiga surgun qilingan. 1956-yilda u ozodlikka chiqarilgan, 1957-yilda esa Toshkentda vafot etgan[3].
Mixail Kurzinning saqlanib qolgan asarlarining aksariyati Qoraqalpogʻiston davlat sanʼat muzeyida va Toshkentdagi Oʻzbekiston Davlat sanʼat muzeyi[4], shuningdek, ayrim asarlari Rossiya davlat muzeyi[5], Barnaul va Omsk muzeylari va shaxsiy kolleksiyalarda saqlanadi.
Manbalar
- ↑ „Mini-vыstavka, posvyaщennaya 125-letiyu so dnya rojdeniya M.I. Kurzina i I.D. Chashnikova.“.
- ↑ 2,0 2,1 „MIXAIL IVANOVICh KURZIN (1888-1957) VTOROY RUSSKIY AVANGARD. Obsujdenie na LiveInternet - Rossiyskiy Servis Onlayn-Dnevnikov.“. Qaraldi: 2023-yil 14-oktabr.
- ↑ 3,0 3,1 „«Proshlыy Vek». Galereya iskusstva XX veka. Jivopisь, fotografiya, grafika, interьerы, biografii xudojnikov XX veka.“.
- ↑ „Gosudarstvennыy muzey iskusstv imeni I. V. Savitskogo“.
- ↑ „Kurzin M.I. Basketbol. 1920 – 1924 | Proekt „Russkiy muzey: virtualniy filial“.“.