Mixail Mixaylovich Sharigin (1852-yil 19-noyabr, Sankt-Peterburg – 1906-yil 6-sentyabr, Toshkent[2][3]) – davlat maslahatchisi, Tbilisi tuman sudi raisi, Tbilisi va Toshkent sud palatasi prokurori.

Mixail Mixaylovich Sharigin
Tavalludi 19-noyabr 1852-yil
Sankt-Peterburg, Rossiya imperiyasi
Vafoti 6-sentyabr 1906-yil(1906-09-06)
(53 yoshda)[1]
Toshkent
Fuqaroligi Rossiya imperiyasi
Sohasi Yurist

Hayoti

Shariginning dafn marosimi, „Rus qaygʻu kitobi“dan parcha, 1910-yil.

1852-yilda tugʻilgan, Imperator huquq maktabining maxsus kursini tamomlab, Adliya vazirligi xizmatiga kirdi. Xizmati asosan chekka joylarda, avval Orenburgda, keyin Ufada, keyin Turkistonda boʻldi. U yerdan Tbilisiga koʻchirilib, sud palatasi prokurori yordamchisi, soʻngra Tbilisi tuman sudi raisi lavozimlarida ishlagan.

1903-yilda Sharigin Toshkent sud palatasining mas’ul prokurori lavozimiga tayinlanadi va oilasi bilan Toshkentga koʻchib ketadi. 1904-yildan boshlab butun Rossiyada boʻlgani kabi Turkistonda ham mitinglar, ish tashlashlar va namoyishlar boshlandi. Sharigin oʻz paytida inqilobga qarshi kurashganlardan biri edi. U davlat jinoyatlari boʻyicha sudlovlarni qoʻllab-quvvatladi.

Biroq Shariginni qoʻl ostidagilari yetarlicha qoʻllab-quvvatlamagani uchun terrorchilik harakatlari avj oldi, buning natijasida Toshkentda bir qator siyosiy qotilliklar sodir boʻldi.

Sharigin koʻplab tahdidlarga duch kelgan boʻlsada, uning xavfsizligi uchun hech qanday chora koʻrilmadi. Shariginning oʻldirilishida Orenburg Neplyuevskiy kadet korpusidan haydalgan 18 yoshli Badritskiy aybdor boʻlib chiqdi. Toshkentdagi mitinglardan birida u qoʻzgʻolon koʻtarishga va taniqli hukumat amaldorlarini kaltaklashga chaqirgan, buning uchun hibsga olingan, sud palatasi tomonidan sudlangan va 8 oylik qamoq jazosiga hukm qilingan.

Jazoni oʻtab boʻlgandan soʻng, 1906-yil 6-sentyabrda kunduzi soat 11 da Badritskiy sud palatasi prokurorining qabulxonasiga kelib, unga ariza bermoqchi ekanligini aytdi. Qabulxonada palata prokuroridan tashqari faqat bitta kuryer bor edi. Ishxonaga kirib, Badritskiy eshik oldida Sharigin oʻtirgan stolga bordi va revolverni olib beshta oʻq uzdi, shundan soʻng u oynani sindirib, koʻchaga sakrab chiqdi va yugura boshladi, lekin palataning kuryeri va ikki askar tomonidan ushlandi.

Sharigin voqea joyida vafot etdi. Qotillikdan bir necha kun oldin Shariginning rafiqasi Rossiyaning Yevropa qismiga joʻnab ketgan edi va erining oʻlimi haqida gazetalardan xabar topdi. Badritskiy harbiy sud tomonidan sudlangan va dastlab osishga hukm qilingan, ammo jazo 20 yillik ogʻir mehnatga almashtirilgan.

Adabiyotlar

  • Revolyutsiya 1905—1907 gg. v Uzbekistane: dokumentы i materialы. «Uzbekistan», 1984
  • Politicheskie protsessы v Turkestane: 1905—1917
  • Vserossiyskaya politicheskaya stachka v oktyabre 1905 goda, Tom 2
  • Revolyutsionnoe dvijenie v Rossii vesnoy i letom 1905 goda, Tom 2, Chastь 1
  • Jeleznodorojniki Kazaxstana v pervoy russkoy revolyutsii (1905—1907 gg.)
  • Gennadiy Golovkov. Bunt po-russki: palachi i jertvы. DetektivPress, 2005
  • A. A. Ivanov, A. D. Stepanov. Chernaya sotnya: istoricheskaya entsiklopediya. Institut russkoy tsivilizatsii, 2008
  • Oleg Anatolьevich Platonov. Svyataya Rusь: bolьshaya entsiklopediya russkogo naroda; russkaya literatura
  • Bondarenko I. I., Klimov D. V. Jertvы politicheskogo terrora v Rossii (1901—1912) / Terrorizm v Rossii v nachale XX v. (Istoricheskiy vestnik. — T. 2 [149]. — Dekabrь 2012). — S. 190—215.

Manbalar

  1. ↑ „Mixail Mixaylovich Sharыgin (1852 - c.1906) - Genealogy“. www.geni.com. Qaraldi: 15-noyabr 2023-yil.
  2. ↑ „Mixaylovich Sharыgin - Historical records and family trees“. www.myheritage.com. Qaraldi: 15-noyabr 2023-yil.
  3. ↑ „Vыsshie chinы Rossiyskoy Imperii (.1721-.1917). T. II“. www.forum.vgd.ru. Qaraldi: 15-noyabr 2023-yil.