Nan-e berenji
Нан-э беренжи (форсча: : نان برنجی, шунингдек нан-беренжи – نانبرنجی, ёки ширини-е беренжи – شیرینی برنجی) – Эроннинг Кирмоншоҳ вилоятидан келиб чиққан гуруч унидан тайёрланадиган печене тури[1]. „Нан-э беренжи“ сўзма-сўз „гуруч нони“ деган маънони англатади. Таом одатда кардамон билан хушбўйланади, устига кўкнор уруғи сепилади ва ясси шаклда қилинади. Одатда оқ рангда бўлади, баъзан эса сариқ рангга бўялади[2].
 | |
| Тури | Печене |
|---|---|
| Миллий ошхона | Эрон ошхонаси |
| Асл номи | نان برنجی |
| Келиб чиқиши | Кирмоншоҳ |
| Асосий компонентлари | Гуруч уни, шакар, тухум, кардамон, эриган сариёғ |
Тарихи
Нан-э беренжининг тарихи Қожарлар даврига бориб тақалади. Тахминан 150 йил аввал Ипак йўли орқали Кирмоншоҳга келиб-кетаётган саёҳатчилар ва зиёратчилар узоқ вақт сақланадиган ҳамда озуқавий қиймати баландроқ бўлган махсус таомга эҳтиёж сезганлар. Шу эҳтиёжга жавобан маҳаллий аҳоли саёҳатчиларнинг асосий озиқ-овқати бўлган гуручдан ширинлик тайёрлай бошлаган[3].
Етти ширинлик
Ривоятларга кўра, подшоҳ Жамшид шакарни айнан форсларнинг янги йили – Наврўз куни кашф этган. Шу сабабли Наврўзни нишонлашда Ҳафт-син дастурхонидаги анъанавий етти таомга қўшимча равишда етти хил ширинлик билан байрам қилиш одати шаклланган[4]. Етти хил ширинлик қуйидагилардир:
- Ногҳл – шакарланган бодомлар
- Форсча баклава – писта ва бодомли қатлама ширинлик
- Нан-э беренжи – гуруч унидан тайёрланадиган печене
- Нан-э бадами – бодомли печене
- Нан-э нокҳодчи – нўхат унидан тайёрланадиган печене
- Соҳан асали – асал ва бодомдан тайёрланадиган ширинлик
- Нан-э гердуи – ёнғоқли (жиғдоли) печене
Галерея
Манбалар
- ↑ Бāзаргāн, Ṣоḡрā. Cоокиэс, Ласт Ревисион: Оcтобер 28, 2011, Энcйcлопæдиа Ираниcа, Деcембер 15, 1993 — 244–246-бет.
- ↑ Маркс, Гил.. Энcйcлопедиа оф Жеwиш фоод. Ҳобокен, Н.Ж.: Wилей, 2010. ИСБН 978-0-544-18631-6. ОCЛC 849738985.
- ↑ „Нан-э Беренжи - Тҳе Популар Соувенир Оф Керманшаҳ“ (эн-УС). ТАППерсиа (2021-йил 17-феврал). Қаралди: 2021-йил 31-август.
- ↑ „А Cоокиэ фор Эверй Cоунтрй: Иран: Нан-э Нокҳодчи“. А Cоокиэ фор Эверй Cоунтрй. Қаралди: 2020-йил 26-май.
Ҳаволалар
- Нан-э Беренжи Реcипе ин Персиан (Wайбаcк Мачине сайтида 2024-06-25 санасида архивланган)
- Нан-э Нокҳодчи Реcипе ин Персиан (Wайбаcк Мачине сайтида 2024-04-20 санасида архивланган)