Nebomoreoblaka
„Nebomoreoblaka“ (ruscha: Nebomoreoblaka, yaʼni, „Osmondengizbulutlar“) — rossiyalik qoʻshiqchi Zemfira ijro etgan qoʻshiq. 2004-yilning 20-mayida Zemfiraning „Vendetta“ nomli toʻrtinchi studiyaviy albomining birinchi singli oʻlaroq chiqarilgan. Qoʻshiqning ilk versiyasi elektron musiqa janrida boʻlib, albom uchun ogʻir, har-rok janriga xos versiya yozilgan. Qoʻshiqning matnini ham, musiqasini ham Zemfiraning oʻzi yozgan.
| „Nebomoreoblaka“ | ||||
|---|---|---|---|---|
| Zemfira qoʻshigʻi | ||||
| Chiqarilgan sanasi | 20-may 2004-yil | |||
| Yozib olingan | 2004 | |||
| Studiya | Studiya MGSU | |||
| Janr | (albom versiyasi) (radio versiyasi) | |||
| Davomiyligi | 03:37 | |||
| Leybl | REAL Records | |||
| Qoʻshiq muallif(lar)i | Zemfira | |||
| Bastakor(lar) | Zemfira | |||
| Zemfira xronologiyasi | ||||
| ||||
| Klipi | ||||
| „Nebomoreoblaka“ YouTubeda | ||||
„Nebomoreoblaka“ qoʻshigʻida ijtimoiy masalalar haqida soʻz boradi. Jurnalistlar va tahlilchilar fikriga koʻra, ashulada shou-biznes tanqid qilingan[1]. Ashulada rus qoʻshiqchisi Valeriya ismi tilga olingani rus matbuotida keng muhokama qilindi. Zemfira bergan intervyularining birida albomning nomi „Vendetta“ boʻlgani uchun „Endilikda qoʻshiqchi Valeriya kim uchun kuylashini bilaman“ (ruscha: Teperь ya znayu komu poyot pevitsa Valeriya) misrasini vendetta oʻlaroq talqin qilish mumkingligini aytdi, ammo shaxsan oʻzi Valeriyani dushman hisoblamasligini taʼkidladi[2].
Ashula tanqidchilar tomonidan yaxshi kutib olindi. Koʻpchilik tahlilchi „Nebomoreoblaka“ qoʻshigʻining rok versiyasini olqishladi[3]. Tanqidchilar bu versiyani Korn, Rammstein, Led Zeppelin, Deep Purple hamda Nine Inch Nails ijodiga ijobiy qiyosladilar. Ashulani yozib olishda quyidagi shaxslar ishtirok etgan: Oleg Pungin (barabanlar), Korney (bas-gitara) hamda Yuriy Saler (gitara).
Qoʻshiq Rossiyada keng tanildi hamda rus radio xit-paradida ikkinchi oʻringacha koʻtarildi. „Nebomoreoblaka“ 2011-yil „Time Out“ jurnali tomonidan tuzilgan „Hayotimizni oʻzgartirgan 100 qoʻshiq“ (ruscha: 100 pesen, izmenivshix nashu jiznь) roʻyxatidan oʻrin oldi[4].
Jamoa
- Zemfira — musiqa, ashula matni, vokal
- Oleg Pungin — barabanlar
- Korney — bas-gitara
- Yuriy Saler — gitara
- Bolshakov — injener
- Denis Yurovskiy — yordamchi
Manbalar
- ↑ „O novoy pesne Zemfirы“ (deadlink). «Left.Ru». 2014-yil 16-martda asl nusxadan arxivlangan. Qaraldi: 2011-yil 2-sentyabr.
- ↑ „«Posle vыxoda alьboma ya ne imeyu k nemu otnosheniya»“ (deadlink). Russkiy Newsweek. 2011-yil 18-avgustda asl nusxadan arxivlangan. Qaraldi: 2011-yil 2-sentyabr.
- ↑ „Zemfira «Vendetta»/mujskoy vzglyad“ (deadlink). KM.RU Obrazovanie. 2011-yil 18-avgustda asl nusxadan arxivlangan. Qaraldi: 2011-yil 2-sentyabr.
- ↑ Maksim Tuvim, Anton Milexin, Dmitriy Demidov. „100 pesen, izmenivshix nashu jiznь“ (deadlink). Time Out (2011-yil 13-dekabr). 2012-yil 23-fevralda asl nusxadan arxivlangan. Qaraldi: 2011-yil 22-dekabr.
Havolalar
- „Nebomoreoblaka“ YouTubeda (jonli ijro)