Nikolay Lomakin
Nikolay Pavlovich Lomakin (1830—1902) – rus lashkarboshisi, piyoda qoʻshinlari generali, Turkiston yurishlari ishtirokchisi.
| Nikolay Lomakin | |
|---|---|
 | |
| Asl ismi | ruscha: Nikoláy Pávlovich Lomákin |
| Tavalludi |
1830-yil 12-fevral Boku |
| Vafoti |
1902-yil 27-fevral Tiflis |
| Qoʻshin turlari | piyoda qoʻshinlar |
| Xizmatdagi yillari | 1848—1897 |
| Unvoni | piyoda qoʻshinlar generali |
| Qoʻmondonlik qilgan |
Mangʻishloq otryadi, Krasnovodsk otryadi, 24-mahalliy brigada, 19-piyoda diviziyasi, 12-armiya korpusi |
| Jang/urush |
Kavkaz urushi, Turkiston yurishlari, Xiva yurishi (1873) |
| Isteʼfoda | 1897-yildan |
Biografiya
Nikolay Pavlovich Lomakin 1830-yil 31-yanvarda Boku shahrida tugʻilgan. Polotsk kadet korpusi va zodagonlar polkida taʼlim olgan. 1848-yil 13-iyunda praporshik unvonini olgan va 19-artilleriya brigadasiga xizmatga tayinlangan[1]. 1850—1863-yillarda Kavkaz urushida sharaf bilan qatnashgan: 1855-yil 18-yanvardan 1858-yil 13-fevralgacha 20-artilleriya brigadasi shtab-kvartirasining adyutanti (1851-yil 13-fevraldan – ikkinchi leytenant, 1853-yil 31-martdan – leytenant, 1858-yil 26-avgustdan – shtab kapitani, 1861-yil 9-martdan – kapitan), keyin 1861-yil 14-avgustdan Dogʻiston viloyati qoʻshinlari qoʻmondoni bilan maxsus topshiriqda boʻlgan va 1870-yil 26-maydan Mangʻishloq otryadining boshligʻi. 1865-yildan – podpolkovnik, 1870-yildan – polkovnik.
1873-yildagi Xiva yurishida Lomakin Mangʻishloq otryadiga qoʻmondonlik qilgan va xizmatlari uchun general-mayor unvoni, „Jasorati uchun“ yozuvi boʻlgan oltin qilichni olgan va 3-daraja qilich bilan birgalikdagi Avliyo Vladimir ordeni, 2-darajali qilich va yulduz bilan birgalikdagi Qizil burgut, Forsning 1-darajali Arslon va Quyosh ordenlari bilan taqdirlangan. 1874-yildan – Kaspiyorti harbiy boshqarmasi boshligʻi va Krasnovodsk otryadining qoʻmondoni[2] , 1876-yilda 1-darajali Avliyo Stanislav ordeni bilan taqdirlangan.
1879-yilda general I. D. Lazarev vafotidan keyin N. P. Lomakin Ahal-Teke ekspeditsiyaga mas’ul etib tayinlangan, ammo uning Goʻktepega qilgan hujumi muvaffaqiyatsizlikka uchragach va ogʻir yoʻqotishlar bilan chekinganidan soʻng, ekspeditsiya qoʻmondonligini general Tergukasovga topshirgan[3].
1881-yilda Tiflis guberniyasi harbiy qoʻmondoni etib tayinlangan va uch yildan keyin – 1884-yildan 24-mahalliy brigadaning boshligʻi; 1882-yilda 1-darajali Avliyo Anna, 1885-yilda – 2-darajali Avliyo Vladimir ordenlari bilan taqdirlangan. 1886-yil 30-avgustda Lomakin general-leytenant unvonini olgan va 1887-yil 22-dekabrda unga 19-piyoda diviziyasi qoʻmondonligi topshirilgan. 1890—1897-yillarda vaqtincha 12-korpusga qoʻmondonlik qilgan. 1897-yil 16-iyunda Lomakin nafaqaga chiqib, piyoda qoʻshinlar generali unvonini olgan[4] va oʻzini ijtimoiy faoliyatga bagʻishlagan.
Nikolay Pavlovich Lomakin 1902-yil 14-fevralda Tiflisda vafot etgan.
Adabiyotlar
- Arnolьdi M. V Zakaspiyskom krae v 1877 godu. (Vospominanie ofitsera). SPb., 1885
- Lomakin, Nikolay Pavlovich// Voennaya entsiklopediya: [v 18 t.]/ pod red. V. F. Novitskogo … [i dr.]. - SPb. ; [M.]: Tipa. i I. D. Sitina, 1911-1915.
- Pisьmo N. P. Lomakina konsulu F. A. Bakulinu (o sredneaziatskix delax). 1874-1878. S priklyucheniyami V. A. Alekseeva. SPb., 1914.
- Terentьev M. A. Istoriya zavoevaniya Sredney Azii. T. 2-3. SPb., 1903 g.
Manbalar
- ↑ Lomakin, Nikolay Pavlovich / V. K. Pilkin // [Lintulaks — Minnыy (uchebno-minnыy) otryad Baltiyskogo flota]. — 1914. — (Harbiy ensiklopediya : [18-tomda]).
- ↑ „Lomakin Nikolay Pavlov.“, Spisok generalam po starshinstvu. Ispravleno po 15-e fevralya. SPb.: Voennaya tipografiya, 1875 — 849-bet.
- ↑ «Potapov A. E.» Neudachnыy poxod. K 140-letiyu okonchaniya Axaltekinskix poxodov 1879-1881 gg. // Voenno-istoricheskiy jurnal. – 2021. – № 1. – S.67-72.
- ↑ „Lomakin Nikolay Pavlovich“, Spisok generalam po starshinstvu. Sostavlen po 1 sentyabrya 1897 goda. SPb.: Voennaya tipografiya, 1897 — 137-bet.