Olga Kovitidi
Олга Фёдоровна Ковитиди (украинча: Ольга Федоровна Ковитіди; русча: Ольга Фёдоровна Ковитиди; 1962-йил 7-майда туғилган) – россиялик ва собиқ украиналик сиёсатчи. 2014-йилдан бери Россия Федерациясининг Қрим кенгаши сенатори[1]. 2006-йилдан 2014-йилгача Қримнинг Верховна Радаси аъзоси бўлиб ишлаган, бироқ 2014-йилда Қримнинг Россия томонидан аннексияси натижасида Рада тарқатиб юборилган ва Ковитиди ушбу аннексияни қўллаб-қувватлаган[2]. Рада аъзолиги давомида қисқа муддат Қримнинг бош вазири ўринбосари сифатида ҳам фаолият юритган.
| Олга Ковитиди | |
|---|---|
русча: Ольга Ковитиди | |
 | |
| Россия Федерациянинг Қрим кенгаши сенатори | |
|
Мансаб даври 2014-йил 15-апрел – 2024-йил 12-сентябр | |
| Ўтмишдоши | лавозим жорий қилинган |
| Вориси | Юрй Нимченко |
| Қрим Вазирлар Кенгаши раис ўринбосари | |
|
Мансаб даври 2014-йил 27-феврал – 2014-йил 26-март | |
| Қрим Олий Кенгаши аъзоси | |
|
Мансаб даври 2006-йил 26-март – 2014-йил 17-март | |
| Шахсий маълумотлари | |
| Таваллуди |
Олҳа Федоривна Ковдитиди 1962-йил 7-май Симферопол, Украина ССР, Совет Иттифоқи |
| Сиёсий партияси |
Ягона Россия (2014-йилдан) Ҳудудлар партияси (2010-йилдан 2014-йилгача) |
Ковитиди узоқ йиллар Россияни қўллаб-қувватловчи сиёсатчи бўлиб келган ва Украинага қарши фикрларини очиқ ифода этгани сабабли баҳс-мунозараларни юзага келтирган[3].
Биографияси
Олга Ковитиди 1962-йил 7-майда Симферопол шаҳрида дунёга келган.
Ковитиди ҳуқуқ фанидан доцент ёрдамчиси сифатида дарс берган. Кейинчалик Қрим Адвокатлар иттифоқи раиси ва Украина Адвокатлар иттифоқи раисининг ўринбосари лавозимларида хизмат қилган. Шунингдек, Ковитиди Бутунжаҳон адвокатлар ассоциацияси, Украиналик адвокатлар бутунжаҳон конгресси ҳамда Бутунжаҳон юнон парламентлараро бирлиги кенгашининг ҳам аъзоси бўлган.
2010-йилда Олга Ковитиди ўша пайтдаги ҳукмрон партия ҳисобланган Ҳудудлар партиясига қўшилган[4].
2013-йилдан 2014-йилгача Украина Адлия вазири ёрдамчиси бўлиб хизмат қилган.
2014-йилнинг бошида Ковитиди Қрим Мухтор Республикаси Бош вазирининг ўринбосари этиб тайинланган. Давлат қонунчилик органининг бошқа кўпчилик аъзолари каби у ҳам 2014-йилги Украина инқилобидан кейин ҳокимиятга келган янги ҳукуматни тан олишдан бош тортган ва бунинг ўрнига Қримнинг Россияга қўшилишини қўллаб-қувватлаган. Бу ҳаракат Бирлашган Миллатлар Ташкилоти томонидан қораланган ва Ковитиди Буюк Британия[5] ва Европа Иттифоқи санксиялари рўйхатига қўйилган, шунингдек, Украина томонидан оғир даражадаги хоинликда айбланиб, қидирувга берилган[6].
Манбалар
- ↑ „Ковитиди Ольга Федоровна“ (ру). Совет Федерации Федерального Собрания Российской Федерации. Қаралди: 2014-йил 15-апрел.
- ↑ „Верховная рада Украины“ (ру). ИА РЕГНУМ. 2017-йил 27-декабрда асл нусхадан архивланган. Қаралди: 2021-йил 26-июл.
- ↑ „Пенобетон во влагалище ребенку: на КремльТВ рассказали о зверствах ВСУ на Донбассе“ (ру). ОБОЗРЕВАТЕЛ НЕWС (2018-йил 17-март). Қаралди: 2021-йил 26-июл.
- ↑ „Парламентские выборы 2012 — Комментарии“. 2017-йил 18-декабрда асл нусхадан архивланган. Қаралди: 2014-йил 1-апрел.
- ↑ „CОНСОЛИДАТЕД ЛИСТ ОФ ФИНАНCИАЛ САНCТИОНС ТАРГЕТС ИН ТҲЕ УК“. Қаралди: 2023-йил 16-апрел.
- ↑ „Прокуратура АРК предоставила список экс-депутатов ВР Крыма, объявленных в розыск“ (ру). Центр журналистских расследований (2015-йил 6-август). Қаралди: 2017-йил 21-ноябр.
Ҳаволалар
Викиомборда „Олга Ковитиди“ мавзуси бўйича медиафайллар бор.