Olga Kovitidi
Olga Fyodorovna Kovitidi (ukraincha: Olьga Fedorovna Kovitіdi; ruscha: Olьga Fyodorovna Kovitidi; 1962-yil 7-mayda tugʻilgan) – rossiyalik va sobiq ukrainalik siyosatchi. 2014-yildan beri Rossiya Federatsiyasining Qrim kengashi senatori[1]. 2006-yildan 2014-yilgacha Qrimning Verxovna Radasi aʼzosi boʻlib ishlagan, biroq 2014-yilda Qrimning Rossiya tomonidan anneksiyasi natijasida Rada tarqatib yuborilgan va Kovitidi ushbu anneksiyani qoʻllab-quvvatlagan[2]. Rada aʼzoligi davomida qisqa muddat Qrimning bosh vaziri oʻrinbosari sifatida ham faoliyat yuritgan.
| Olga Kovitidi | |
|---|---|
ruscha: Olьga Kovitidi | |
 | |
| Rossiya Federatsiyaning Qrim kengashi senatori | |
|
Mansab davri 2014-yil 15-aprel – 2024-yil 12-sentyabr | |
| Oʻtmishdoshi | lavozim joriy qilingan |
| Vorisi | Yury Nimchenko |
| Qrim Vazirlar Kengashi rais oʻrinbosari | |
|
Mansab davri 2014-yil 27-fevral – 2014-yil 26-mart | |
| Qrim Oliy Kengashi aʼzosi | |
|
Mansab davri 2006-yil 26-mart – 2014-yil 17-mart | |
| Shaxsiy maʼlumotlari | |
| Tavalludi |
Olha Fedorivna Kovditidi 1962-yil 7-may Simferopol, Ukraina SSR, Sovet Ittifoqi |
| Siyosiy partiyasi |
Yagona Rossiya (2014-yildan) Hududlar partiyasi (2010-yildan 2014-yilgacha) |
Kovitidi uzoq yillar Rossiyani qoʻllab-quvvatlovchi siyosatchi boʻlib kelgan va Ukrainaga qarshi fikrlarini ochiq ifoda etgani sababli bahs-munozaralarni yuzaga keltirgan[3].
Biografiyasi
Olga Kovitidi 1962-yil 7-mayda Simferopol shahrida dunyoga kelgan.
Kovitidi huquq fanidan dotsent yordamchisi sifatida dars bergan. Keyinchalik Qrim Advokatlar ittifoqi raisi va Ukraina Advokatlar ittifoqi raisining oʻrinbosari lavozimlarida xizmat qilgan. Shuningdek, Kovitidi Butunjahon advokatlar assotsiatsiyasi, Ukrainalik advokatlar butunjahon kongressi hamda Butunjahon yunon parlamentlararo birligi kengashining ham aʼzosi boʻlgan.
2010-yilda Olga Kovitidi oʻsha paytdagi hukmron partiya hisoblangan Hududlar partiyasiga qoʻshilgan[4].
2013-yildan 2014-yilgacha Ukraina Adliya vaziri yordamchisi boʻlib xizmat qilgan.
2014-yilning boshida Kovitidi Qrim Muxtor Respublikasi Bosh vazirining oʻrinbosari etib tayinlangan. Davlat qonunchilik organining boshqa koʻpchilik aʼzolari kabi u ham 2014-yilgi Ukraina inqilobidan keyin hokimiyatga kelgan yangi hukumatni tan olishdan bosh tortgan va buning oʻrniga Qrimning Rossiyaga qoʻshilishini qoʻllab-quvvatlagan. Bu harakat Birlashgan Millatlar Tashkiloti tomonidan qoralangan va Kovitidi Buyuk Britaniya[5] va Yevropa Ittifoqi sanksiyalari roʻyxatiga qoʻyilgan, shuningdek, Ukraina tomonidan ogʻir darajadagi xoinlikda ayblanib, qidiruvga berilgan[6].
Manbalar
- ↑ „Kovitidi Olьga Fedorovna“ (ru). Sovet Federatsii Federalьnogo Sobraniya Rossiyskoy Federatsii. Qaraldi: 2014-yil 15-aprel.
- ↑ „Verxovnaya rada Ukrainы“ (ru). IA REGNUM. 2017-yil 27-dekabrda asl nusxadan arxivlangan. Qaraldi: 2021-yil 26-iyul.
- ↑ „Penobeton vo vlagaliщe rebenku: na KremlьTV rasskazali o zverstvax VSU na Donbasse“ (ru). OBOZREVATEL NEWS (2018-yil 17-mart). Qaraldi: 2021-yil 26-iyul.
- ↑ „Parlamentskie vыborы 2012 — Kommentarii“. 2017-yil 18-dekabrda asl nusxadan arxivlangan. Qaraldi: 2014-yil 1-aprel.
- ↑ „CONSOLIDATED LIST OF FINANCIAL SANCTIONS TARGETS IN THE UK“. Qaraldi: 2023-yil 16-aprel.
- ↑ „Prokuratura ARK predostavila spisok eks-deputatov VR Krыma, obʼyavlennыx v rozыsk“ (ru). Tsentr jurnalistskix rassledovaniy (2015-yil 6-avgust). Qaraldi: 2017-yil 21-noyabr.
Havolalar
Vikiomborda „Olga Kovitidi“ mavzusi boʻyicha mediafayllar bor.