„Praga“ — shokoladli tort, Rossiyada SSSR davrlaridan beri mashhur.

Uchta biskvit va ikki qavat „Praga“ kremi qatlamidan iborat. Yuqori va yon tomonlari murabbo rfvf pomadka bilan qoplangan (yoki yon tomonlari krem va biskvit uvoqlari bilan bezatilgan[1]). Ustki qismiga qaymoqdan naqsh solingan[2].

Tarixi

Aytishlariga qaraganda, „Praga“ tortining asl retsepti Chexiya poytaxtida ishlab chiqilgan. Biroq, Chexiya oshxonasi retseptlarida bunday tortning oʻzi yoʻq. Darhaqiqat, SSSRda mashhurlikka erishgan „Praga“ torti retsepti Moskvadagi „Praga“ restoranining qandolatchilik sexi boshligʻi Vladimir Mixaylovich Guralnik tomonidan ixtiro qilingan, u 30 dan ortiq original tortlar va pishiriqlar, shu jumladan „Qush suti“ tortining ham muallifi hisoblanadi. Guralnik oʻzining oshpazlik faoliyati avvalida restoranda shogird boʻlib ishlagan, tajriba almashish uchun muntazam ravishda Moskvaga kelgan Chexoslovakiya qandolatchi oshpazlaridan ushbu sanʼat sirlarini oʻrgangan[3]. Aslida, „Praga“ mashhur „Zaher“ tortining bir varianti hisoblanadi, ammo, „Zaher“ retseptida krem mavjud emas[4]. Umuman olganda, tort konyak, Chartreuse va Benedictine likyorlaridan foydalangan holda tayyorlanadigan toʻrt xil qaymoqli kremni oʻz ichiga olgani, biskvitlarga rom singdirilgani tufayli ham[5] uni pishirish juda koʻp vaqt talab qiladi va tayyor tort qimmatga tushadi.

Sovet davrida pazandachilik retseptlari uchun patent berish amaliyoti yoʻqligi tufayli tort patentlanmay qolgan, ammo GOSTga muvofiq deb topilgan va shu tariqa istalgan qandolat fabrikasida tayyorlanishi mumkin boʻlgan[6].

Retsept

  • Korjlar: un, sariyog ', shakar, tuxum, kakao kukuni.
  • Krem: quyultirilgan sut, issiq suv, tuxum sarigʻi, sariyog ', kakao, vanilin.
  • Pomadka: shakar, kakao, shinni, essensiya.
  • Meva hamda rezavorli murabbo.

Korjlar krem bilan ustma-ust taxlanadi va 8-10 soatga muzlatgichga qoʻyiladi. Yuqori va yon tomonlari murabbo hamda pomadka bilan qoplanadi. Ustki qismi kremli naqsh bilan bezatiladi[7].

Manbalar

  1. ↑ Retsepturы 1978.
  2. ↑ Pavlov 1998.
  3. ↑ „I sotvoril on «Ptichьe moloko»“. Sotsialisticheskaya Rossiya (22 yanvarya 1997). 2012-yil 5-mayda asl nusxadan arxivlangan. Qaraldi: 2010-yil 7-avgust.
  4. ↑ „Ot Moskvы do Bresta net takogo testa“ (ru) (deadlink). 2012-yil 5-sentyabrda asl nusxadan arxivlangan. Qaraldi: 2010-yil 7-avgust. (Wayback Machine saytida 2012-09-05 sanasida arxivlangan)
  5. ↑ Nataliya Pavlova-Katkova. „Russkiy «Napoleon», ili sladkiy mir tortov“ (deadlink). Vkusnaya Jiznь. 2011-yil 15-mayda asl nusxadan arxivlangan. Qaraldi: 2010-yil 7-avgust.
  6. ↑ Yuliya Zelenina. „Lyudi smotryat na menya, kak na kosmonavta!“. Vechernyaya Moskva. 2012-yil 5-mayda asl nusxadan arxivlangan. Qaraldi: 2010-yil 7-avgust.
  7. ↑ Prigotovlenie muchnыx konditerskix izdeliy 1965.


Adabiyotlar

  • Buteykis N. G., Kengis R. P. Tort Prajskiy // Prigotovlenie muchnix konditerskix izdeliy. — M.: Ekonomika, 1965. — S. 134—135. — 252 s. — 45 000 ekz.
  • „Tort «Praga»“, Sbornik retseptur muchnыx konditerskix i bulochnыx izdeliy. SPb.: Gidrometeoizdat, 1998 — 85-bet. 
  • „Tort «Prajskiy»“, Retsepturы na tortы, pirojnыe, keksы i ruletы. Chastь I. Biskvitnыe tortы. M.: Piщevaya promыshlennostь, 1978 — 98—100-bet.