Rahmat Nazriy
Раҳмат Назрий (тожикча: Раҳмат Назрӣ; 15-октябр 1951-йил, Кўлоб, Тожикистон ССР) — тожик шоири ва журналисти, Тожикистон халқ шоири (2003), Тожикистон Ёзувчилар уюшмаси аъзоси (1979-йилдан), Абу Абдуллоҳ Рūдакий номидаги Тожикистон Давлат мукофоти лауреати (2000)[1].
| Раҳмат Назрий | |
|---|---|
| Таваллуди |
15.10.1951 |
| Касби | шоир, журналист |
| Фуқаролиги | Тожикистон |
| Фаолият йиллари | 1968—ҳозиргача |
| Жанр | шеър, ғазал, тўртлик |
| Мукофотлари |
Тожикистон халқ шоири (2003) Абу Абдуллоҳ Рūдакий номидаги Тожикистон Давлат мукофоти (2000) Мирзо Турсунзода номидаги адабий мукофот (1993) Тожикистон Комсомоли мукофоти (1988) |
Таржимаи ҳоли
Раҳмат Назрий 1951-йил 15-октябрда Хатлон вилоятининг Кўлоб шаҳрида таваллуд топган. 1968-йилда Кўлоб шаҳридаги 7-сонли ўрта мактабни, 1973-йилда В. И. Ленин номидаги Тожикистон давлат университетининг (Тожикистон миллий университети) журналистика факултетини тамомлаган.
Илк иш фаолиятини «Маориф ва маданият» рўзномасида мухбирликдан бошлаган (1973—1979). Кейинги йилларда Тожикистон Ёзувчилар иттифоқининг адабиёт тарғиботи марказида иш юритувчи (1979—1983), «Адабиёт ва санъат» ҳафтаномасида бўлим мудири ва бош муҳаррир ўринбосари (1983—1989), Ёзувчилар иттифоқида назм бўйича маслаҳатчи (1989—2002) бўлиб ишлаган.
2002-йилдан Тожикистон Ҳукумат ҳузуридаги Адабиёт, санъат ва меъморчилик соҳасидаги Абу Абдуллоҳ Рūдакий номидаги Давлат мукофоти қўмитасининг масъул котиби вазифасида ишлайди.
Ижоди
1977-йилда шоирнинг «Яшил барг» (тожикча: Барги сабз) номли илк шеърий тўплами устод Боқий Раҳимзоданинг сўзбошиси билан чоп этилган. Кейинчалик «Кун ситораси» (Ситораи рӯз, 1982), «Олов лоласи» (Лолаи оташ, 1984), «Қисмат» (Сарнавишт, 1988), «Меҳроб» (1991), «Ҳафтранг» (2002), «Сукунат садоси» (Садои хомӯшӣ, 2006), «Ситораборон» (2011), «Чилчироқ» (Чилчароғ, 2011), «Ширмаҳтоб» (2012), «Ширинкома» (2012), «Силсила» (Шилшила, 2013), «Юзма-юз» (Дида ба дида, 2014) каби китоблари нашр этилган.
Шеърлари олмон, латиш, рус, инглиз, ўзбек, араб, турк, украин, булғор, арман, авар, қозоқ ва қирғиз тилларига таржима қилинган.
Раҳмат Назрий шеърларига басталанган қўшиқлар билан ҳам машҳур. 1985, 1986 ва 1990-йилларда Тошкент шаҳрида «Мелодия» фирмаси томонидан «Раҳмат Назрий шеърларидан тузилган қўшиқлар» номли 3 та грампластинка чиқарилган.
Мукофотлари
- Тожикистон Комсомоли мукофоти (1988) — «Қисмат» (Сарнавишт) китоби учун;
- Мирзо Турсунзода номидаги адабий мукофот (1993) — «Меҳроб» китоби учун;
- Абу Абдуллоҳ Рūдакий номидаги Тожикистон Давлат мукофоти (2000) — «Ой хирмони» (Хирмани моҳ) тўртликлар мажмуаси учун;
- Тожикистон халқ шоири (2003).
Манбалар
- ↑ Адибони Тожикистон (маълумотномаи мухтасари шарҳиҳолий) / Таҳия ва танзими Асрори Сомоний ва Мажид Салим. — Душанбе: «Адиб», 2014. — С. 153. — ИСБН 978-99947-2-379-9.