Ziyosfera

Rauf-Rafail Katsenovich

Рауф-Рафаил Александрович Каценович (1920-йил 7-ноябр, Тошкент – 2003-йил 20-октябр, Маями АҚШ) – терапевт, кардиолог ва физиотерапевт. Ўзбекистон Фанлар академияси академиги (2000), Ўзбекистонда хизмат кўрсатган фан арбоби (1968), тиббиёт фанлари доктори (1964), профессор (1966). Тошкент тиббиёт академиясини тугатган (1945).

Рауф-Рафаил Каценович
Таваллуди 7-ноябр 1920-йил
Тошкент
Вафоти 20-октябр 2003-йил(2003-10-20)
(83 ёшда)
Маями, Флорида, АҚШ
Истиқомат жойлари Тошкент
Фуқаролиги SSSR bayrogʻi СССР Oʻzbekiston bayrogʻi Ўзбекистон
Соҳаси Тиббиёт
Таълими Тошкент тиббиёт институти
Мукофотлари Xalqlar doʻstligi ordeni

Бош туркман канали қурилишида 1-тиббиёт-санитария қисмининг бошлиғи (1951—1953), Ўзбекистон соғлиқни сақлаш вазирлиги Саломатликни тиклаш ва физиотерапия илмий тадқиқот институтида илмий котиб (1953—1958), директор ўринбосари (1958—1972), айни вақтда Тошкент врачлар малакасини ошириш институтида кафедра мудири. 1972-йилдан Тошкент тиббиёт академияси (1990-йилдан 2-Тошкент тиббиёт академияси) госпитал терапия кафедраси мудири, Кардиология илмий тадқиқот институти директори (1976—1997), 1997-йилдан юракнинг ишемик касаллиги лаборатория мудири.

Каценович ревматизм, овқат ҳазм қилиш аъзолари касалликлари, юракнинг ишемик касаллиги, гипертония касаллигини аниқлаш ва даволаш усуллари устида илмий иш олиб борган. Курортология, физиотерапия ва юрак-томир системаси касалликларига оид асарлар муаллифи[1]

Таржимаи ҳоли

1920-йил 7-ноябрда Тошкент шаҳрида тиббиёт фанлари доктори, профессор Александр Лвович Каценович ва Хаверхоним Тойировалар оиласида туғилган[2].

1945-йилда Тошкент Давлат тиббиёт институтини (ТОСҲМИ) тамомлаган[2].

1945—1951-йилларда – Тошкент тиббиёт институти терапия кафедрасида ординатор ва ассистент[2].

1951—1952-йилларда – тез тиббий ёрдам хизматининг борт шифокори[2].

1952—1953-йилларда – Бош Туркман канали қурилиши 1-тиббиёт бўлими бошлиғи[2].

1953—1958-йилларда – Семашко номидаги Тошкент курортология ва физиотерапия илмий-тадқиқот институти катта илмий ходими, илмий котиби.

1958—1972-йилларда – Семашко номидаги Тошкент курортология ва физиотерапия илмий-тадқиқот институти директори ўринбосари.

1964-йилда – тиббиёт фанлари доктори.

1964—1971-йилларда – Тошкент тиббиёт малакасини ошириш институтида курортология ва физиотерапия кафедраси мудири.

1966-йилда – профессор.

1968-йилда – Ўзбекистон ССРда хизмат кўрсатган фан арбоби.

1972-йилдан – Тошкент тиббиёт институти госпитал терапия кафедраси мудири.

Рауф-Рафаил Александрович (ўнгда) ота-онаси ва укаси билан

1976-йилдан – Тошкент кардиология илмий-тадқиқот институти директори.

1979-йилда – Ўзбекистон ССР Фанлар академияси мухбир аъзоси.

2000-йилда – Ўзбекистон Республикаси Фанлар академияси академиги.

100 дан ортиқ илмий мақолалар муаллифи[3].

Асосий тадқиқотлари Марказий Осиёда гепатитнинг хусусиятлари, физиотерапия ва климатотерапия муаммолари, юрак-қон томир тизими, ўпка, буйраклар, овқат ҳазм қилиш органлари касалликларига бағишланган. Унинг раҳбарлигида Марказий Осиёда биринчи марта ЖССТ дастури бўйича юрак ишемик касалликлари ва болалар гипертонияси эпидемиологияси ўрганилди, қон босимини пасайтиришнинг дори-дармонсиз усуллари ишлаб чиқилди[2].

2003-йил 29-октябрда АҚШнинг Флорида штати Маями шаҳрида вафот этган. Тошкентдаги Боткин қабристонига дафн этилган[4].

Илмий ишлари

  • Гидроаэроионизация ва гидроаэроионотерапия. Тошкент, 1966-йил.
  • Ошқозон ости бези ва жисмоний омиллар. Тошкент, 1976-йил.
  • Конжестиф қон айланиш етишмовчилиги Владимир Кукес, Вадим Меншиков, Иван Сивков, Рафаил Каценович. Тиббиёт, 1978-йил
  • Гипертензиянинг физиотерапияси Р.-Р. А. Каценович, И. Н. Возовиков. – Тошкент: Тиббиёт, 1979-й.
  • Гипертензия ва юрак-қон томир касалликлари билан оғриган беморлар учун иш ва дам олиш режими [Матн] / Р.-Р. А. Каценович, С. З. Костко; Тошкент: Тиббиёт, 1981-йил.
  • Юрак хуружига учраганлар учун… Тошкент: Тиббиёт, 1985-йил.
  • Кардиологияда профилактик фармакология. Москва, 1988-йил.
  • Кардиологиянинг долзарб муаммолари, Тошкент: Тиббиёт, 1991-й.

Манбалар

  1. ↑ ЎзМЕ. Биринчи жилд. Тошкент, 2000-йил
  2. ↑ 2,0 2,1 2,2 2,3 2,4 2,5 „КАЦЕНОВИЧ Рафаил Александрович“ (ру). ружен.ру. Москва: Россия яҳудийлар энсиклопедияси. 2025-йил 22-сентябрда асл нусхадан архивланган. Қаралди: 29-ноябр 2023-йил.
  3. ↑ Применение антагониста калсия коринфара у болних стенокардией напряжения – некоториэ аспекти изучения и оптимизации терапии, Т., 1994
  4. ↑ „Каценович Рафаил Александрович“. 2021-йил 12-июнда асл нусхадан архивланган. Қаралди: 2022-йил 28-июн. 



"https://new.ziyosfera.uz/ziyo/Rauf-Rafail_Katsenovich" dan olindi