Ziyosfera

Rustam Abdullayev

Vikipediyada ismi Rustam va familiyasi Abdullayev boʻlgan boshqa kishilar haqida ham maqolalar mavjud.

Rustam Abdullayev (1947-yil 12-fevral, Xiva) – sovet va oʻzbek bastakori[1]. Oʻzbekiston Bastakorlar uyushmasi raisi (1995-yildan). Oʻzbekiston Respublikasida xizmat koʻrsatgan artist (1997-yil). Oʻzbekiston Respublikasi sanʼat arbobi (1997-yil).

Rustam Abdullayev
Tavalludi 12.02.1947
Xiva, Oʻzbekiston SSR, SSSR
Janrlar opera, balet, instrumental konsert
Kasbi Bastakor
Musiqa oʻqituvchisi
Fuqaroligi SSSR bayrogʻi SSSR
Oʻzbekiston bayrogʻi Oʻzbekiston
Veb-sayt Ofitsialniy sayt

Faoliyati

Xivada agronom va oʻqituvchi oilasida tugʻilgan. Rustam Abdullayevning ota-onasi Abdulla Otajonov va Gavhar Matekubovalar edi. Rustam Abdullayev oʻrta maktabni tugatgach, Musiqa nomidagi bilim yurtiga oʻqishga kirdi. U bolaligida Xiva musiqa maktabida qashqar rubob sinfida tahsil olgan, xalq teatri orkestrida ham ijro etgan[2]. 1970-yillar boshida Toshkent davlat konservatoriyasida (B. F. Gienko bilan, soʻngra B. I. Zeydmandan assistent stajyor sifatida) tahsil oldi[3]. 1985-yildan konservatoriyada kompozitsiya va cholgʻu asboblari kafedrasida dars beradi (2010-yilda professor boʻldi).

U shoira Zulfiya[4] taqdiri haqida hikoya qiluvchi „Sadoat“ („Sadoqat“) operasi muallifi, „Quyoshga taʼzim“ baletoratoriyasi, cholgʻu konsertlari shu jumladan, „Chunes of Navroʻz“ pianino uchun ikkinchi konsert dasturi va „Tay ohanglari“ uchinchi fortepiano konserti[5], yapon shoirlari soʻzlaridagi vokal sikllari „Xirosima faryodi“, Zulfiya soʻzlariga „Hijron“[4][6] va boshqa asarlar yaratdi.

Rustam Abdullayev 1972-yil Toshkent davlat konservatoriyasini tugatgan. 1985-yildan Toshkent konservatoriyasining oʻqituvchisi sifatida oʻz faoliyatini boshlagan. Oʻzbekiston Respublikasi Kompozitorlar va bastakorlar uyushmasining kotibi (1985—1995-yillar), raisi (1995-yildan). 4 opera – „Shodimulk“ (1975-yillar), „Sadoqat“ (O. Matchon, 1980-yil), „Xiva ordeni“ (E. Samandarov, 1985-yil), „Kimlar zor, kimga xor“ (M. Mirzo, 1994-yil); „Quyoshga taʼzim“ baletoratoriyasi (Oʻ. Umarbekov, 1984); simfoniya (1975-yil) va 3 simfonik poema (1968—1970-yillar); fortepiano va orkestr uchun 5 ta konsert (1972—1995-yillar), kamervokal, xor va boshqa asarlarning muallifi. Asarlari Oʻzbekiston va chet el konsert sahnalari (Rossiya, Ukraina, [Shvesiya]], Tailand, Jan. Koreya va boshqalar)da ijro etiladi.

1985-yilda Oʻzbekiston Bastakorlar uyushmasining bosh kotibi boʻldi. 1995-yildan buyon uning raisi boʻlgan. U bastakor va ijrochi sifatida qadrlanadi. Rustam butun Rossiya va xalqaro tanlovlarning sovrindori. Uning asarlari AQSh, Germaniya, Misr, Yaponiya, Tailand, Turkiya, Janubiy Koreya kabi yigirmadan ortiq mamlakatlarda ijro etilgan.

Oilasi

Rustam Abdullayev uylangan boʻlib uning uch farzandi bor. Farzandlari – Behzod va Elnura ham pianinochi[7][8].

Mukofotlari

Rustam Abdullayev 1986-yil – Hamza nomidagi Oʻzbekiston SSR Davlat mukofoti („Quyoshga taʼzim“ baletiga musiqa yaratgani uchun)[9], 1997-yil – Oʻzbekistonda xizmat koʻrsatgan artist, 2022-yil – "Mehnat Shuxrati" ordeni[10] bilan mukofotlangan.

Adabiyotlar

  • OʻzME. Birinchi jild. Toshkent, 2000-yil

Manbalar

  1. ↑ Oʻzbekiston Milliy Ensiklopediyasi – A harfi – Toshkent: „Oʻzbekiston milliy ensiklopediyasi“ Davlat ilmiy nashriyoti. – S. 27
  2. ↑ „Rustam Abdullaev: «Kajdыy denь otkrыvaet mne novыe gorizontы tvorchestva» // I. Galuщenko, Uzbekistan Today, № 2 (11), 2013“. 2019-yil 23-oktyabrda asl nusxadan arxivlangan. Qaraldi: 2019-yil 9-noyabr.
  3. ↑ „Obraznыy mir tvorchestva kompozitorov respublik Sredney Azii i Kazaxstana / G. V. Kuznetsova. — M. : Sov. kompozitor, 1991“. 2020-yil 9-noyabrda asl nusxadan arxivlangan. Qaraldi: 2019-yil 9-noyabr.
  4. ↑ 4,0 4,1 „Obraznыy mir tvorchestva kompozitorov respublik Sredney Azii i Kazaxstana / G. V. Kuznetsova. — M. : Sov. kompozitor, 1991“. 2020-yil 9-noyabrda asl nusxadan arxivlangan. Qaraldi: 2019-yil 9-noyabr.
  5. ↑ „Instrumentalьnыe kontsertы Rustama Abdullaeva: obnovlenie janra // Galuщenko I. G., Sovremennыe innovatsii, № 9 (11) / VI Mejdunarodnaya nauchno-prakticheskaya konferentsiya «Sovremennыe innovatsii v epoxu globalizatsii: teoriya, metodologiya, praktika» — 17 sentyabrya 2016“. 2019-yil 9-noyabrda asl nusxadan arxivlangan. Qaraldi: 2019-yil 9-noyabr.
  6. ↑ „Shtrixi k portretu Rustama Abdullaeva na primere romansa-balladы «Oʻgʻlim, sira boʻlmaydi urush!» («Sыn moy, ne bыvatь voyne!») na stixi Zulьfii // Dergachyova E. A., «Problemы sovremennoy nauki i obrazovaniya», 2018. № 4 (124)“. 2019-yil 9-noyabrda asl nusxadan arxivlangan. Qaraldi: 2019-yil 9-noyabr.
  7. ↑ „Rustam Abdullaev: «Kajdыy denь otkrыvaet mne novыe gorizontы tvorchestva» // I. Galuщenko, Uzbekistan Today, № 2 (11), 2013“. 2019-yil 23-oktyabrda asl nusxadan arxivlangan. Qaraldi: 2019-yil 9-noyabr.
  8. ↑ Nastroenie skazochnogo bala // V. Knyagnitskaya, Golos Uzbekistana[sayt ishlamaydi]Andoza:Nedostupnaya ssыlka
  9. ↑ „Ejegodnik BSE, 1987 / M. Sovetskaya entsiklopediya — S. 170“. 2020-yil 9-noyabrda asl nusxadan arxivlangan. Qaraldi: 2019-yil 9-noyabr.
  10. ↑ „Ukaz Prezidenta Respubliki Uzbekistan ot 29 avgusta 2022 goda «O nagrajdenii v svyazi s tridtsatь pervoy godovщinoy nezavisimosti Respubliki Uzbekistan gruppы rabotnikov sfer nauki, obrazovaniya, zdravooxraneniya, sporta, literaturы, kulьturы, iskusstva i sredstv massovoy informatsii»“. 2022-yil 30-avgustda asl nusxadan arxivlangan. Qaraldi: 2022-yil 30-avgust. 



"https://new.ziyosfera.uz/ziyo/Rustam_Abdullayev" dan olindi