Ziyosfera

Rustam Mirsodiqov

Vikipediyada ismi Rustam va familiyasi Mirsodiqov boʻlgan boshqa kishilar haqida ham maqolalar mavjud.

Rustam Toʻxtamurodovich Mirsodiqov (ruscha: Mirsadыkov, Rustam Tuxtamuradovich; 1955-yil 19-martda tugʻilgan[1]) – oʻzbekistonlik futbol murabbiyi va futbolchi. 2008—2017-yillarda Bekobodning „Metallurg“ klubini boshqargan. Oʻzbekiston Superligasida eng koʻp oʻyinda bosh murabbiylik qilgan futbol mutaxassislardan biri hisoblanadi[2].

Rustam Mirsodiqov
Shaxsiy maʼlumot
Toʻliq ismi Rustam Toʻxtamurodovich Mirsodiqov
Tavallud sanasi 1954-yil 19-mart (1954-03-19) (72 yosh)
Tavallud joyi Toshkent, Oʻzbekiston SSR
Ampluasi Himoyachi
Professional faoliyati*
Yillar Jamoa Isht. (Gol.)
1972—1975 Paxtakor 3 (0)
1975—1976 Traktor Toshkent - (-)
1977—1980 Irrigator / Boʻston 77+ (6)
1981—1982 Dinamo Samarqand 2 (1)
1985—1986 Sohibkor 48 (3)
1988 Dinamo Samarqand 4 (0)
1989 Andijon 7 (1)
Boshqargan klublari
1992 Paxtakor (assistent)
1995 Doʻstlik (Jamoa boshligʻi)
1996 Doʻstlik
1996—1998 MHSK
1997 Oʻzbekiston
1999 Doʻstlik
2003 Qizilqum
2005 Lokomotiv Toshkent
2006 Navbahor
2008—2017 Metallurg Bekobod
*Professional klublardagi gollari (ichki chempionat)

Biografiyasi

Futbolchilik faoliyati

Rustam Mirsodiqov futbolga ilk qadamlarini Toshkentdagi „Titov“ nomidagi ixtisoslashtirilgan maktab-internatida murabbiylar I.Toshmuxamedov, V.Yatchenko va Y.Aranovichlar rahbarligida qoʻygan[3].

1972-yilda "Paxtakor" futbol jamoasiga tavsiya etilgan va bu jamoada 1975-yilgacha oʻynagan. Keyin esa Toshkentning „Traktor“ jamoasi sharafini himoya qilgan. Faoliyati davomida „Boʻston“, „Dinamo Samarqand“ va „Sohibkor“ klublarida toʻp surgan. Rustam Mirsodiqov futbolchi sifatidagi professional faoliyatini 1989-yilda Andijonning „Spartak“ klubida yakunlagan.

Murabbiylik faoliyati

1991-yildan boshlab Mirsodiqov murabbiylik faoliyati bilan shugʻullana boshlagan. 1992-yilda „Paxtakor“ jamoasi bosh murabbiyi Axrol Inoyatovning yordamchisi vazifasini bajargan[3]. 1995-1996-yillarda "Doʻstlik" klubida klub rahbari va bosh murabbiy lavozimlarida ishlagan.

1996—1998-yillarda Toshkentning „MHSK“ klubiga rahbarlik qilgan. 1997-yilda uning boshchiligida „MHSK“ Oʻzbekiston chempionligini qoʻlga kiritgan. Oʻsha mavsum yakunida Rustam Mirsodiqov O‘zbekistonda "Yilning eng yaxshi murabbiyi" deb topilgan.

1997-yilda Oʻzbekiston terma jamoasiga bosh murabbiy etib tayinlangan[4]. Mirsodiqov oldidagi masala klubni 1998-yilgi jahon chempionatiga olib chiqish edi. Ammo jamoa saralash turnirida yomon natija koʻrsatadi va Mirsodiqov Oʻzbekiston milliy terma jamoasi bosh murabbiyligidan ozod etiladi.

1999-yilda yana „Doʻstlik“ klubiga murabbiy etib tayinlanadi va oʻsha mavsumda klubni mamlakat chempionligiga olib chiqadi. Mavsum yakuniga koʻra, Oʻzbekistonda „Yilning eng yaxshi murabbiyi“ nominatsiyasi uchun soʻrovnomada uchinchi oʻrinni egallaydi.

Shundan soʻng Toshkentning „Lokomotiv“ va „Qizilqum“ klublarida faoliyatini davom ettirgan. 2008—2017-yillarda Bekobodning „Metallurg“ klubini boshqargan[5][6].

2021-yildan Bunyodkor klubi akademiyasida yoshlar boʻyicha murabbiy sifatida faoliyat olib bormoqda[7].

Yutuqlari

  • 1997, 1999-yillar – Oʻzbekiston chempioni.
  • 1997-yil – Oʻzbekistonda yilning eng yaxshi murabbiyi.

Manbalar

  1. ↑ „Rustam Mirsodiqovni tabriklaymiz!“ (2019-yil 19-mart).
  2. ↑ „Oʻzbekiston chempionatida eng koʻp oʻyin oʻtkazgan murabbiylar TOP-10.“ (2017-yil 31-dekabr).
  3. ↑ 3,0 3,1 „Rustam Mirsadыkovu 60 let!“ (deadlink). metallurg-pfc.uz (2013-yil 11-iyul). 2016-yil 5-martda asl nusxadan arxivlangan.
  4. ↑ Uzbekistan International Matches – Details 1992-1999 – RSSSF
  5. ↑ „Oliy liga murabbiylari qachondan buyon oʻz klublarida ishlab kelishmoqda?“ (2017-yil 8-dekabr).
  6. ↑ „Rustam Mirsodiqov isteʼfo berdi“ (2017-yil 25-dekabr).
  7. ↑ „Rustam Mirsodiqov "Bunyodkor" klubida ish boshladi“ (2021-yil 2-mart).

Havolalar

"https://new.ziyosfera.uz/ziyo/Rustam_Mirsodiqov" dan olindi