Shiratul islom

„Shirʼatul islom“ kitobining toʻliq shakli „Shirʼatul islom ila doris salom“ (Tinchlik diyoriga islom qonunchiligi)dir. Musannif kitobni 61 ta faslga ajratgan. Manbalarda kelishicha, kitob 560-hijriy sanada yozilgan. Undagi mavzular ulamolar va ilm ahillarining kitoblaridan saralab olingan boʻlib, paygʻambarimiz Muhammad sollallohu alayhi vasallamning sunnatlari asosida tuzilgan odob axloqqa oid kitobdir. Moʻmin-musulmon kishilarni paygʻambarimizning sunnatlariga koʻmakdosh boʻladigan ayniqsa yosh bolalarga oʻqib berilsa, bolaning tarbiyasiga ijobiy taʼsir koʻrsatadigan asardir. Kitobning qoʻlyozma nusxalari dunyoning koʻplab kutubxonalari jumladan, Toshkent, Samarqand, Saudiya Arabistoni Podshohligi „Podshoh Faysal islomiy tadqiqotlar markazi“, Turkiyaning „Sulaymoniya“, „Ayosofya“, „Laleli kutubxonasi“, „Nur Usmoniya“, „Boyazid davlat kutubxonasi“, „Koʻpruli kutubxonasi“, „Fozil Ahmad Posho kutubxonasi“, „Fayzullo Afandi kutubxonasi“, „Hoji Rashidbey kutubxonasi“, „Qilich Ali Posho kutubxonasi“, „Misr kitoblar uiy“, Falastindagi „Aqso masjidi“ kutubxonasi, Hindistondagi „Ram Pur“ va Bagʻdoddagi „Qodiriyya“ kutubxonalarida saqlanmoqda.

Adabiyotlar

• Bartolьd. “Sochineniya”. – T. I. - S. 381; “Istoriya”.
• Yoqut Hamaviy. “Muʼjamul Buldon”. J.III.
• Zirikliy Xayruddin. “Al-Aʼlom”. Bayrut: Dorul ilm lil malayin, J.VI.
• 9. Karl Brukkelman. “Arab adabiyoti tarixi”. Dorul maʼorif. 1993. J.III.
• 11. Qurashiy Abu Muhammad Abdulqodir ibn Abul Vafo Muhammad ibn Muhammad Misriy. Javohirul mudiya fi tabaqotil hanafiya”.J.I.