Ziyosfera

Turkistonbank

„Туркистон“ ХАТБ — хусусий аксиядорлик тижорат банки бўлиб, Ўзбекистонда банкрот сифатида тугатилган банклардан бири[1]. 2023-йил 15-февралдаги Тошкент туманлараро иқтисодий суди қарори билан банкрот деб топилган[1].

Туркистонбанк
Асосий маълумотлар
Тури АЖ
Шиори Биргаликда янги марралар сари
Лицензияси №57 1998-йил 16-март
Фаолияти чакана банк, корпоратив банк
Асос солинган 1998-йил
Ёпилган йил 2022-йил 7-октябр
Эгалари

Тарихи

Туркистонбанк 1998-йилда транспорт соҳаси ташкилотларига хизмат кўрсатувчи тармоқ банки сифатида ташкил этилган. Кейинчалик универсал банк сифатида фаолиятини кенгайтирган[1].

2019-йил май ойида банк ребрендингни амалга оширди[2].

2021-йил 2-ноябр — банкнинг Чорсу банк хизматлари маркази ўз фаолиятини бошлади. БХМ манзили: Тошкент шаҳри, Шаҳхонтоҳур тумани, Чорсу бозори.

2021-йил 17-декабр — Тошкент РФБ банк капитализациясини 117,49 млрд сўмга баҳолаб, Ўзбекистоннинг 17 та банкидан 16-ўринда эканлигини қайд этди[3].

2022-йил 1-феврал куни эълон қилинган С&П Глобал Ратингс ҳисоботида банк кредит портфелининг қарийб 70 фоизини муаммоли кредитлар ташкил этишини билдириб, келгуси 12-18 ойда банк ликвидлиги янада тақчиллашса, банкнинг дефолт бўлиш хавфи аниқ бўлиши келтирилган[4].

2022-йил феврал ойи охирида банк миллий ва хорижий валютада ноодатий жозибадор таклифлари билан чиққан. Бу таклиф мутахассислар томонидан банк ликвидлиги тақчиллигини олдини олиш чораларидан бири сифатида кўрилган. Бироқ банк томонидан бу иддаолар рад этилган[5].

2022-йил 1-апрелда банк Бошқарув раиси Аваз Муҳитдинов лавозимидан озод қилинди[6].

2022-йил 7-октябрдаги Марказий банк бошқарувининг 22/1-сонли қарорига асосан, „Туркистон“ ХАТБдан банк фаолиятини амалга ошириш ҳуқуқини берувчи лицензия чақириб олинган. Бунга асос сифатида „Банклар ва банк фаолияти тўғрисида“ги қонуннинг 54 ва 77-моддаларидаги қоидабузарликлар келтириб ўтилган[7].

2022-йил октябр ойи ҳолатига кўра, Ўзбекистон банк тизимида активлари бўйича 26-ўринни эгаллаган[1].

2022-йил ноябр ойида банкнинг бир гуруҳ омонатчиларидан пул маблағлари субординар қарз сифатида жалб қилингани, натижада 59 нафар банк мижозининг 57 миллиард сўм миқдоридаги маблағи қоплаб берилмаслиги маълум бўлди[8]. 2023-йил 17-апрелда чиққан суд қарори билан 18 нафар фуқаронинг 29 миллиард сўмлик маблағи омонат деб тан олинган[9].

2022-йил 21-ноябрдан бошлаб Туркистонбанкка омонат қўйган фуқароларнинг пул маблағлари агент-банк сифатида танланган Қишлоқ қурилиш банк томонидан қайтарила бошланди[10].

2023-йил 15-февралдаги Тошкент туманлараро иқтисодий суди қарори билан банкрот деб топилди. Туркистонбанкнинг 368 миллиард сўм атрофидаги аҳолидан қарздорлиги давлат ҳисобидан қайтарилган[11].

Банк инфратузилмалари географияси

Банкнинг бош офиси, тўлов маркази, Юнусобод филиали ҳамда Чорсу банк хизматлари маркази фаолият юритган[12].

Корпоратив бошқаруви

Банк тугатилаётган пайтда Муҳиддин Жумагалдиев банк Бошқаруви раиси, Саъдулла Толипов ҳамда Шовкат Тошмухамедов Бошқарув раиси ўринбосарлари сифатида фаолият юритган[13].

Молиявий кўрсаткичлари

Туркистонбанк 2022-йил ярим йилликни 22,9 млрд сўм зарар билан якунлаган.

Банкнинг тугатилишигача бўлган 6 чоракдаги молиявий кўрсаткичлари тўғрисида қуйидаги жадвалда маълумот берилган:

Молиявий кўрсаткичлари (млрд сўмда)
Йиллар 2021-йил 1-чорак 2021-йил 1-ярим йиллик 2021-йил 3-чорак 2021-йил 2022-йил 1-чорак 2022-йил 1-ярим йиллик
Активлари 1 014[14] 1 135[15] 1 150[16] 1 164[17] 1 208[18] 1 190[19]
Мажбуриятлари 703[14] 686[15] 697[16] 686[17] 696[18] 652[19]
Капитали 111[14] 159[15] 160[16] 160[17] 140[18] 138[19]
Депозитлари 790[14] 884[15] 875[16] 886[17] 889[18] 933[19]
Соф фойдаси −46,69 (30-ўрин)[20] 1,1 (26-ўрин)[21] 2,1 (26-ўрин)[22] 2,4 (27-ўрин)[23] −20,00 (31-ўрин)[24] −22,9 (32-ўрин)[25]

Манбалар

  1. ↑ 1,0 1,1 1,2 1,3 „«Туркистонбанк» банкрот деб э’лон қилинди“. Газета.уз. Афиша Медиа (2023-йил 1-март). Қаралди: 31-март 2024-йил.
  2. ↑ „Туркистонбанк ребрендинг амалга оширипти.“ (2019-йил 22-май). Қаралди: 1-апрел 2024-йил.
  3. ↑ „Ўзбекистонда капитализациясига кўра энг қиммат банклар маълум қилинди“. Газета.уз. Афиша Медиа (2021-йил 17-декабр). Қаралди: 31-март 2024-йил.
  4. ↑ „С&П Туркистонбанк кредит рейтинги истиқболини "Салбий"дан "Барқарор"га ўзгартирди“. Банкерс.уз (2022-йил 2-феврал). 2024-йил 1-апрелда асл нусхадан архивланган. Қаралди: 31-март 2024-йил.
  5. ↑ „Туркистонбанк омонатларга юқори фоиз таклиф қила бошлади“. Банкерс.уз (2022-йил 24-феврал). 2024-йил 1-апрелда асл нусхадан архивланган. Қаралди: 31-март 2024-йил.
  6. ↑ „Туркистонбанк Бошқарув раиси лавозимидан озод қилинди“. Банкерс.уз (2022-йил 6-апрел). 2024-йил 1-апрелда асл нусхадан архивланган. Қаралди: 31-март 2024-йил.
  7. ↑ „«Туркистон» ва Ҳи-теч банк`нинг лицензияси бекор қилинди“. Газета.уз. Афиша Медиа (2022-йил 7-октябр). Қаралди: 1-апрел 2024-йил.
  8. ↑ „Марказий банк «Туркистонбанк» омонатчиларининг мурожаатига муносабат билдирди“. Газета.уз. Афиша Медиа (2022-йил 9-ноябр). Қаралди: 1-апрел 2024-йил.
  9. ↑ „Марказий банк банкрот бўлган “Туркистонбанк” омонатчиларининг маблағлари қайтарилишига изоҳ берди“. Газета.уз. Афиша Медиа (2023-йил 4-май). Қаралди: 1-апрел 2024-йил.
  10. ↑ „Туркистонбанк омонатчиларининг маблағлари муддатидан аввал қайтарилади“. Банкерс.уз (2022-йил 21-ноябр). Қаралди: 1-апрел 2024-йил.
  11. ↑ „“Туркистонбанк” банкрот деб топилди“. Кун.уз. Кун.уз (2023-йил 1-март). Қаралди: 1-апрел 2024-йил.
  12. ↑ „Туркистон Банк филиаллари“. банк.уз. Қаралди: 1-апрел 2024-йил.
  13. ↑ „Туркистонбанкка бошқарув раиси ва унинг ўринбосарлари тайинланди“. Банкерс.уз (2022-йил 11-август). Қаралди: 1-апрел 2024-йил.
  14. ↑ 14,0 14,1 14,2 14,3 „Тижорат банклари фаолиятининг асосий кўрсаткичлари тўғрисида 2021 йил 1 апрель ҳолатига маълумот“. cбу.уз. Ўзбекистон Республикаси Марказий банки. Қаралди: 31-март 2024-йил.
  15. ↑ 15,0 15,1 15,2 15,3 „Тижорат банклари фаолиятининг асосий кўрсаткичлари тўғрисида 2021 йил 1 июль ҳолатига маълумот“. cбу.уз. Ўзбекистон Республикаси Марказий банки. Қаралди: 31-март 2024-йил.
  16. ↑ 16,0 16,1 16,2 16,3 „Тижорат банклари фаолиятининг асосий кўрсаткичлари тўғрисида 2021 йил 1 октябрь ҳолатига маълумот“. cбу.уз. Ўзбекистон Республикаси Марказий банки. Қаралди: 31-март 2024-йил.
  17. ↑ 17,0 17,1 17,2 17,3 „Тижорат банклари фаолиятининг асосий кўрсаткичлари тўғрисида 2022 йил 1 январь ҳолатига маълумот“. cбу.уз. Ўзбекистон Республикаси Марказий банки. Қаралди: 31-март 2024-йил.
  18. ↑ 18,0 18,1 18,2 18,3 „Тижорат банклари фаолиятининг асосий кўрсаткичлари тўғрисида 2022 йил 1 апрель ҳолатига маълумот“. cбу.уз. Ўзбекистон Республикаси Марказий банки. Қаралди: 31-март 2024-йил.
  19. ↑ 19,0 19,1 19,2 19,3 „Тижорат банклари фаолиятининг асосий кўрсаткичлари тўғрисида 2022 йил 1 июль ҳолатига маълумот“. cбу.уз. Ўзбекистон Республикаси Марказий банки. Қаралди: 31-март 2024-йил.
  20. ↑ „Ўзбек банклари И чоракни қандай соф фойда билан якунладилар“. Банкерс.уз (2021-йил 16-апрел). Қаралди: 31-март 2024-йил.
  21. ↑ „Ўзбекистон банклари 1-ярим йилликни қандай молиявий натижа билан якунладилар?“. Банкерс.уз (2021-йил 13-июл). Қаралди: 31-март 2024-йил.
  22. ↑ „Ўзбекистон банкларининг даромадлилик кўрсаткичлари: 9 ой якунлари қандай?“. Банкерс.уз (2021-йил 18-октябр). Қаралди: 31-март 2024-йил.
  23. ↑ „Тўртта банк 2021 йилни молиявий зарар билан якунлади“. Банкерс.уз (2022-йил 17-январ). Қаралди: 31-март 2024-йил.
  24. ↑ „Ўзбекистон банкларининг 2022 йил 1-чорак якунларига кўра баланс соф фойдаси (зарари) тўғрисида маълумот“. Банкерс.уз (2022-йил 20-апрел). Қаралди: 31-март 2024-йил.
  25. ↑ „Тижорат банкларининг жами соф фойдаси 2022 йил 1-ярим йиллик якунлари бўйича 4 трлн. 755 млрд. сўмни ташкил қилган“. Банкерс.уз (2022-йил 18-июл). Қаралди: 31-март 2024-йил. 
"https://new.ziyosfera.uz/ziyo/Turkistonbank" dan olindi