Turkistonbank
| Turkistonbank | |
|---|---|
 | |
| Asosiy maʼlumotlar | |
| Turi | AJ |
| Shiori | Birgalikda yangi marralar sari |
| Litsenziyasi | №57 1998-yil 16-mart |
| Faoliyati | chakana bank, korporativ bank |
| Asos solingan | 1998-yil |
| Yopilgan yil | 2022-yil 7-oktyabr |
| Egalari | |
„Turkiston“ XATB — xususiy aksiyadorlik tijorat banki boʻlib, Oʻzbekistonda bankrot sifatida tugatilgan banklardan biri[1]. 2023-yil 15-fevraldagi Toshkent tumanlararo iqtisodiy sudi qarori bilan bankrot deb topilgan[1].
Tarixi
Turkistonbank 1998-yilda transport sohasi tashkilotlariga xizmat koʻrsatuvchi tarmoq banki sifatida tashkil etilgan. Keyinchalik universal bank sifatida faoliyatini kengaytirgan[1].
2019-yil may oyida bank rebrendingni amalga oshirdi[2].
2021-yil 2-noyabr — bankning Chorsu bank xizmatlari markazi oʻz faoliyatini boshladi. BXM manzili: Toshkent shahri, Shahxontohur tumani, Chorsu bozori.
2021-yil 17-dekabr — Toshkent RFB bank kapitalizatsiyasini 117,49 mlrd soʻmga baholab, Oʻzbekistonning 17 ta bankidan 16-oʻrinda ekanligini qayd etdi[3].
2022-yil 1-fevral kuni eʼlon qilingan S&P Global Ratings hisobotida bank kredit portfelining qariyb 70 foizini muammoli kreditlar tashkil etishini bildirib, kelgusi 12-18 oyda bank likvidligi yanada taqchillashsa, bankning defolt boʻlish xavfi aniq boʻlishi keltirilgan[4].
2022-yil fevral oyi oxirida bank milliy va xorijiy valyutada noodatiy jozibador takliflari bilan chiqqan. Bu taklif mutaxassislar tomonidan bank likvidligi taqchilligini oldini olish choralaridan biri sifatida koʻrilgan. Biroq bank tomonidan bu iddaolar rad etilgan[5].
2022-yil 1-aprelda bank Boshqaruv raisi Avaz Muhitdinov lavozimidan ozod qilindi[6].
2022-yil 7-oktyabrdagi Markaziy bank boshqaruvining 22/1-sonli qaroriga asosan, „Turkiston“ XATBdan bank faoliyatini amalga oshirish huquqini beruvchi litsenziya chaqirib olingan. Bunga asos sifatida „Banklar va bank faoliyati toʻgʻrisida“gi qonunning 54 va 77-moddalaridagi qoidabuzarliklar keltirib oʻtilgan[7].
2022-yil oktyabr oyi holatiga koʻra, Oʻzbekiston bank tizimida aktivlari boʻyicha 26-oʻrinni egallagan[1].
2022-yil noyabr oyida bankning bir guruh omonatchilaridan pul mablagʻlari subordinar qarz sifatida jalb qilingani, natijada 59 nafar bank mijozining 57 milliard soʻm miqdoridagi mablagʻi qoplab berilmasligi maʼlum boʻldi[8]. 2023-yil 17-aprelda chiqqan sud qarori bilan 18 nafar fuqaroning 29 milliard soʻmlik mablagʻi omonat deb tan olingan[9].
2022-yil 21-noyabrdan boshlab Turkistonbankka omonat qoʻygan fuqarolarning pul mablagʻlari agent-bank sifatida tanlangan Qishloq qurilish bank tomonidan qaytarila boshlandi[10].
2023-yil 15-fevraldagi Toshkent tumanlararo iqtisodiy sudi qarori bilan bankrot deb topildi. Turkistonbankning 368 milliard soʻm atrofidagi aholidan qarzdorligi davlat hisobidan qaytarilgan[11].
Bank infratuzilmalari geografiyasi
Bankning bosh ofisi, toʻlov markazi, Yunusobod filiali hamda Chorsu bank xizmatlari markazi faoliyat yuritgan[12].
Korporativ boshqaruvi
Bank tugatilayotgan paytda Muhiddin Jumagaldiyev bank Boshqaruvi raisi, Saʼdulla Tolipov hamda Shovkat Toshmuxamedov Boshqaruv raisi oʻrinbosarlari sifatida faoliyat yuritgan[13].
Moliyaviy koʻrsatkichlari
Turkistonbank 2022-yil yarim yillikni 22,9 mlrd soʻm zarar bilan yakunlagan.
Bankning tugatilishigacha boʻlgan 6 chorakdagi moliyaviy koʻrsatkichlari toʻgʻrisida quyidagi jadvalda maʼlumot berilgan:
| Yillar | 2021-yil 1-chorak | 2021-yil 1-yarim yillik | 2021-yil 3-chorak | 2021-yil | 2022-yil 1-chorak | 2022-yil 1-yarim yillik |
|---|---|---|---|---|---|---|
| Aktivlari | 1 014[14] | 1 135[15] | 1 150[16] | 1 164[17] | 1 208[18] | 1 190[19] |
| Majburiyatlari | 703[14] | 686[15] | 697[16] | 686[17] | 696[18] | 652[19] |
| Kapitali | 111[14] | 159[15] | 160[16] | 160[17] | 140[18] | 138[19] |
| Depozitlari | 790[14] | 884[15] | 875[16] | 886[17] | 889[18] | 933[19] |
| Sof foydasi | −46,69 (30-oʻrin)[20] | 1,1 (26-oʻrin)[21] | 2,1 (26-oʻrin)[22] | 2,4 (27-oʻrin)[23] | −20,00 (31-oʻrin)[24] | −22,9 (32-oʻrin)[25] |
Manbalar
- ↑ 1,0 1,1 1,2 1,3 „«Turkistonbank» bankrot deb e’lon qilindi“. Gazeta.uz. Afisha Media (2023-yil 1-mart). Qaraldi: 31-mart 2024-yil.
- ↑ „Turkistonbank rebrending amalga oshiripti.“ (2019-yil 22-may). Qaraldi: 1-aprel 2024-yil.
- ↑ „Oʻzbekistonda kapitalizatsiyasiga koʻra eng qimmat banklar maʼlum qilindi“. Gazeta.uz. Afisha Media (2021-yil 17-dekabr). Qaraldi: 31-mart 2024-yil.
- ↑ „S&P Turkistonbank kredit reytingi istiqbolini "Salbiy"dan "Barqaror"ga oʻzgartirdi“. Bankers.uz (2022-yil 2-fevral). 2024-yil 1-aprelda asl nusxadan arxivlangan. Qaraldi: 31-mart 2024-yil.
- ↑ „Turkistonbank omonatlarga yuqori foiz taklif qila boshladi“. Bankers.uz (2022-yil 24-fevral). 2024-yil 1-aprelda asl nusxadan arxivlangan. Qaraldi: 31-mart 2024-yil.
- ↑ „Turkistonbank Boshqaruv raisi lavozimidan ozod qilindi“. Bankers.uz (2022-yil 6-aprel). 2024-yil 1-aprelda asl nusxadan arxivlangan. Qaraldi: 31-mart 2024-yil.
- ↑ „«Turkiston» va Hi-tech bank`ning litsenziyasi bekor qilindi“. Gazeta.uz. Afisha Media (2022-yil 7-oktyabr). Qaraldi: 1-aprel 2024-yil.
- ↑ „Markaziy bank «Turkistonbank» omonatchilarining murojaatiga munosabat bildirdi“. Gazeta.uz. Afisha Media (2022-yil 9-noyabr). Qaraldi: 1-aprel 2024-yil.
- ↑ „Markaziy bank bankrot bo‘lgan “Turkistonbank” omonatchilarining mablag‘lari qaytarilishiga izoh berdi“. Gazeta.uz. Afisha Media (2023-yil 4-may). Qaraldi: 1-aprel 2024-yil.
- ↑ „Turkistonbank omonatchilarining mablagʻlari muddatidan avval qaytariladi“. Bankers.uz (2022-yil 21-noyabr). Qaraldi: 1-aprel 2024-yil.
- ↑ „“Turkistonbank” bankrot deb topildi“. Kun.uz. Kun.uz (2023-yil 1-mart). Qaraldi: 1-aprel 2024-yil.
- ↑ „Turkiston Bank filiallari“. bank.uz. Qaraldi: 1-aprel 2024-yil.
- ↑ „Turkistonbankka boshqaruv raisi va uning oʻrinbosarlari tayinlandi“. Bankers.uz (2022-yil 11-avgust). Qaraldi: 1-aprel 2024-yil.
- ↑ 14,0 14,1 14,2 14,3 „Tijorat banklari faoliyatining asosiy koʻrsatkichlari toʻgʻrisida 2021 yil 1 aprelь holatiga maʼlumot“. cbu.uz. Oʻzbekiston Respublikasi Markaziy banki. Qaraldi: 31-mart 2024-yil.
- ↑ 15,0 15,1 15,2 15,3 „Tijorat banklari faoliyatining asosiy koʻrsatkichlari toʻgʻrisida 2021 yil 1 iyulь holatiga maʼlumot“. cbu.uz. Oʻzbekiston Respublikasi Markaziy banki. Qaraldi: 31-mart 2024-yil.
- ↑ 16,0 16,1 16,2 16,3 „Tijorat banklari faoliyatining asosiy koʻrsatkichlari toʻgʻrisida 2021 yil 1 oktyabrь holatiga maʼlumot“. cbu.uz. Oʻzbekiston Respublikasi Markaziy banki. Qaraldi: 31-mart 2024-yil.
- ↑ 17,0 17,1 17,2 17,3 „Tijorat banklari faoliyatining asosiy koʻrsatkichlari toʻgʻrisida 2022 yil 1 yanvarь holatiga maʼlumot“. cbu.uz. Oʻzbekiston Respublikasi Markaziy banki. Qaraldi: 31-mart 2024-yil.
- ↑ 18,0 18,1 18,2 18,3 „Tijorat banklari faoliyatining asosiy koʻrsatkichlari toʻgʻrisida 2022 yil 1 aprelь holatiga maʼlumot“. cbu.uz. Oʻzbekiston Respublikasi Markaziy banki. Qaraldi: 31-mart 2024-yil.
- ↑ 19,0 19,1 19,2 19,3 „Tijorat banklari faoliyatining asosiy koʻrsatkichlari toʻgʻrisida 2022 yil 1 iyulь holatiga maʼlumot“. cbu.uz. Oʻzbekiston Respublikasi Markaziy banki. Qaraldi: 31-mart 2024-yil.
- ↑ „Oʻzbek banklari I chorakni qanday sof foyda bilan yakunladilar“. Bankers.uz (2021-yil 16-aprel). Qaraldi: 31-mart 2024-yil.
- ↑ „Oʻzbekiston banklari 1-yarim yillikni qanday moliyaviy natija bilan yakunladilar?“. Bankers.uz (2021-yil 13-iyul). Qaraldi: 31-mart 2024-yil.
- ↑ „Oʻzbekiston banklarining daromadlilik koʻrsatkichlari: 9 oy yakunlari qanday?“. Bankers.uz (2021-yil 18-oktyabr). Qaraldi: 31-mart 2024-yil.
- ↑ „Toʻrtta bank 2021 yilni moliyaviy zarar bilan yakunladi“. Bankers.uz (2022-yil 17-yanvar). Qaraldi: 31-mart 2024-yil.
- ↑ „Oʻzbekiston banklarining 2022 yil 1-chorak yakunlariga koʻra balans sof foydasi (zarari) toʻgʻrisida maʼlumot“. Bankers.uz (2022-yil 20-aprel). Qaraldi: 31-mart 2024-yil.
- ↑ „Tijorat banklarining jami sof foydasi 2022 yil 1-yarim yillik yakunlari boʻyicha 4 trln. 755 mlrd. soʻmni tashkil qilgan“. Bankers.uz (2022-yil 18-iyul). Qaraldi: 31-mart 2024-yil.
