Ziyosfera

Viktor Ufimsev

Виктор Иванович Уфимсев (1899-йил 8-ноябр, Барневское қишлоғи, Перм губернияси – 1964–йил 31-декабр, Тошкент) – совет рассоми (1944). СССР Рассомлар уюшмаси аъзоси[1]. Ўзбекистон ССР халқ артисти[2].

Виктор Уфимсев
Таваллуди 8-ноябр 1899-йил
Барневское, Россия империяси
Вафоти 31-декабр 1964-йил
Тошкент, ЎзССР, СССР
Фуқаролиги Rossiya bayrogʻi Россия империяси Россия империяси SSSR bayrogʻi СССР

Биографияси

Виктор Иванович 8-ноябр 1899-йил Перм губернияси, Барневское қишлоғида таваллуд топган. Болалигида Тоболскда, кейин отаси Биринчи рус инқилобида қатнашгани учун сургун қилинган ва Тара шаҳрида яшаган[3].

Омскдаги даври

1908-йилда Викторнинг оиласи Омскга кўчиб ўтди ва Плотниковская кўчасида яшади. 1910-йилда тижорат мактабига ўқишга кирди ва уни 1919-йилда тугатди. 1916-йилда унинг ишига санъат ўқитувчиси А. Ленк эътибор қаратди.

Уфимсев 1917-йилдан бошлаб Омск ишчилар амалий билимлар институтида Алексей Николаевич Клементев дарс берган чизмачилик ва рассомлик курсларида таҳсил олди. 1919-йилда „рус футуризмининг отаси“ шоир ва рассом Давид Бурлукнинг кечасида қатнашганидан сўнг, футуризм ғояларини қабул қилди ва Клементев рассомлик курсида ўқишни тўхтатди[4].

1920-йилдан Омск Қизил Армия клубида рассом бўлиб ишлади ва шу йили РАБИС касаба уюшмаси рассомлар сексияси аъзоси бўлди. Виктор 1921-йилда „ИИИ Интернатионал“ тарғибот кемасида Об ва Иртиш бўйлаб саёҳатда қатнашди ва Барнаул, Новониколаевск (ҳозирги Новосибирск) ва Томскга ташриф буюрди. У ерда маҳаллий рассомлар билан мулоқот қилди, улар билан иш алмашди ва музейларга ташриф буюрди (хусусан, Барнаул санъат музейи, унинг коллекциясида биринчи даражали авангард рассомларининг йигирмадан ортиқ асарлари мавжуд)[5].

Рассом Уфимсев 1921-йилда „Червонная Тройка“ (1921–1923) футуристик ижодий гуруҳининг ташкилотчиларидан бири ва раҳбари бўлди. Гуруҳга рассомлардан ташқари (Н. А. Мамонтов, Б. С. Шабл-Табулевич ва бошқалар) шоир Л. Н. Мартинов, бастакор В. Я. Шебалин ва бошқалар кирди[6].

1922-йилдан Ғарбий Сибир вилоят музейида рассом бўлиб ишлади.

Виктор 1923-йилда Москвага борди ва у ерда В. В. Маяковский ва В. Э. Меерхолд билан учрашди.

Виктор 1923-йил август ойида Н. А. Мамонтов билан бирга Ўрта Осиёга бориб, Самарқанд қадимийлик ва санъат ёдгорликларини муҳофаза қилиш комиссиясида ишлади. Маҳаллий табиат ва маданият рассомда кучли таассурот қолдирди ва унинг ижодига катта таъсир кўрсатди. 1924-йилда конструктивистлар етакчиларидан бири М. Й. Гинзбург бошчилигида Бухоро меъморий ёдгорликларини ўрганиш бўйича экспедицияда қатнашди[7][8]

Марказий Осиёдаги даври

Уфимсев Ўзбекистонда 1933–1936-йилларда Ҳамза театрида бош рассом бўлиб фаолият юритди ва 1940–1945-йилларда Ўзбекистон рассомлар уюшмасининг раиси бўлди[9]

1941-йилда Самарқандда Темур мақбараси очилишида қатнашди.

Виктор 1955-йилда Вишний Волочок яқинидаги „Академик дача“ ижодий уйига саёҳат қилди.

1958-йилдан Тошкент рассомлик билим юртида дарс берди.

1958–1959-йилларда чет элда Афғонистон Қироллигига саёҳат қилган.

1961-йилда Ҳиндистонга саёҳат қилди.

Виктор Иванович Уфимсев 1964-йил 31-декабрда Ўзбекистон ССР Тошкент шаҳрида вафот этди.

Мукофотлари

Уфумсев 1959-йил 18-мартда Қизил Байроқ ордени, 1951-йил 6-декабрда "Шон-шараф белгиси" ордени, 1945-йилда „Меҳнатда ўрнак кўрсатганлик учун“ медали билан тақдирланди[10].

Манбалар

  1. ↑ „Шклярская, Яна. Виктор Иванович Уфимцев: «Мы называли себя новаторами» // Третьяковская галерея. — 2008. — № 1. — С.82-85“. 2018-йил 25-апрелда асл нусхадан архивланган. Қаралди: 2018-йил 24-апрел.
  2. ↑ „Источник“. 2022-йил 26-февралда асл нусхадан архивланган. Қаралди: 2022-йил 10-март.
  3. ↑ „Заветная нить поиска : Рассказы об Омском музее изобразит. искусств, истории его создания и некоторых произведениях из его коллекций живописи, графики, скульптуры декор.-прикл. искусства. — Омск : Кн. изд-во, 1988“. 2018-йил 25-апрелда асл нусхадан архивланган. Қаралди: 2018-йил 24-апрел.
  4. ↑ А. В. Крусанов. Русский авангард: 1907-1932 : исторический обзор : в трех томах. Новое литературное обозрение, 1996. ИСБН 978-5-86793-218-3. 
  5. ↑ „Дариус, Е. И. Музей изящных искусств г. Барнаула (реконструкция истории первого художественного музея на Алтае на основе архивных материалов) // Искусство Сибири и Дальнего Востока: наследие, современность, перспективы : материалы межрегион. науч.-практ. конф. с междунар. участием, 2-3 декабря 2015 г. — Барнаул, 2015. — С. 200—204“. 2018-йил 25-апрелда асл нусхадан архивланган. Қаралди: 2018-йил 24-апрел.
  6. ↑ „Муратов П. Д. Художественная жизнь Сибири 1920-х годов. Л.: Художник РСФСР, 1974“. 2018-йил 19-июнда асл нусхадан архивланган. Қаралди: 2018-йил 24-апрел.
  7. ↑ „Хан-Магомедова В. «Куски жизни» Виктора Уфимцева // Искусство. — 2009. — № 24“. 2018-йил 25-апрелда асл нусхадан архивланган. Қаралди: 2018-йил 24-апрел.
  8. ↑ „Сибирский авангард: живопись и графика 1910—1920-х годов в собрании Омского государственного историко-краеведческого музея : альбом-каталог / авт. вступ. ст. и сост.: И. Г. Девятьярова, Т. В. Еременко. — Омск : Омский гос. историко-краеведческий музей : Омскбланкиздат, 2013“. 2016-йил 17-июнда асл нусхадан архивланган. Қаралди: 2018-йил 24-апрел.
  9. ↑ "Уфимсев Виктор Иванович" ЎзМЕ. У-ҳарфи[сайт ишламайди] Биринчи жилд. Тошкент, 2000-йил
  10. ↑ „Уфимцев Виктор Иванович“ (ру). русский-пейзазҳ.ру. Қаралди: 2023-йил 19-ноябр. 



"https://new.ziyosfera.uz/ziyo/Viktor_Ufimsev" dan olindi