Viktor Ivanovich Ufimsev (1899-yil 8-noyabr, Barnevskoye qishlogʻi, Perm guberniyasi – 1964–yil 31-dekabr, Toshkent) – sovet rassomi (1944). SSSR Rassomlar uyushmasi aʼzosi[1]. Oʻzbekiston SSR xalq artisti[2].

Viktor Ufimsev
Tavalludi 8-noyabr 1899-yil
Vafoti 31-dekabr 1964-yil
Toshkent, OʻzSSR, SSSR
Fuqaroligi Rossiya bayrogʻi Rossiya imperiyasi Rossiya imperiyasi SSSR bayrogʻi SSSR

Biografiyasi

Viktor Ivanovich 8-noyabr 1899-yil Perm guberniyasi, Barnevskoye qishlogʻida tavallud topgan. Bolaligida Tobolskda, keyin otasi Birinchi rus inqilobida qatnashgani uchun surgun qilingan va Tara shahrida yashagan[3].

Omskdagi davri

1908-yilda Viktorning oilasi Omskga koʻchib oʻtdi va Plotnikovskaya koʻchasida yashadi. 1910-yilda tijorat maktabiga oʻqishga kirdi va uni 1919-yilda tugatdi. 1916-yilda uning ishiga sanʼat oʻqituvchisi A. Lenk eʼtibor qaratdi.

Ufimsev 1917-yildan boshlab Omsk ishchilar amaliy bilimlar institutida Aleksey Nikolayevich Klementyev dars bergan chizmachilik va rassomlik kurslarida tahsil oldi. 1919-yilda „rus futurizmining otasi“ shoir va rassom David Burlukning kechasida qatnashganidan soʻng, futurizm gʻoyalarini qabul qildi va Klementyev rassomlik kursida oʻqishni toʻxtatdi[4].

1920-yildan Omsk Qizil Armiya klubida rassom boʻlib ishladi va shu yili RABIS kasaba uyushmasi rassomlar seksiyasi aʼzosi boʻldi. Viktor 1921-yilda „III International“ targʻibot kemasida Ob va Irtish boʻylab sayohatda qatnashdi va Barnaul, Novonikolayevsk (hozirgi Novosibirsk) va Tomskga tashrif buyurdi. U yerda mahalliy rassomlar bilan muloqot qildi, ular bilan ish almashdi va muzeylarga tashrif buyurdi (xususan, Barnaul sanʼat muzeyi, uning kollektsiyasida birinchi darajali avangard rassomlarining yigirmadan ortiq asarlari mavjud)[5].

Rassom Ufimsev 1921-yilda „Chervonnaya Troyka“ (1921–1923) futuristik ijodiy guruhining tashkilotchilaridan biri va rahbari boʻldi. Guruhga rassomlardan tashqari (N. A. Mamontov, B. S. Shabl-Tabulevich va boshqalar) shoir L. N. Martinov, bastakor V. Ya. Shebalin va boshqalar kirdi[6].

1922-yildan Gʻarbiy Sibir viloyat muzeyida rassom boʻlib ishladi.

Viktor 1923-yilda Moskvaga bordi va u yerda V. V. Mayakovskiy va V. E. Meyerxold bilan uchrashdi.

Viktor 1923-yil avgust oyida N. A. Mamontov bilan birga Oʻrta Osiyoga borib, Samarqand qadimiylik va sanʼat yodgorliklarini muhofaza qilish komissiyasida ishladi. Mahalliy tabiat va madaniyat rassomda kuchli taassurot qoldirdi va uning ijodiga katta taʼsir koʻrsatdi. 1924-yilda konstruktivistlar yetakchilaridan biri M. Y. Ginzburg boshchiligida Buxoro meʼmoriy yodgorliklarini oʻrganish boʻyicha ekspeditsiyada qatnashdi[7][8]

Markaziy Osiyodagi davri

Ufimsev Oʻzbekistonda 1933–1936-yillarda Hamza teatrida bosh rassom boʻlib faoliyat yuritdi va 1940–1945-yillarda Oʻzbekiston rassomlar uyushmasining raisi boʻldi[9]

1941-yilda Samarqandda Temur maqbarasi ochilishida qatnashdi.

Viktor 1955-yilda Vishniy Volochok yaqinidagi „Akademik dacha“ ijodiy uyiga sayohat qildi.

1958-yildan Toshkent rassomlik bilim yurtida dars berdi.

1958–1959-yillarda chet elda Afgʻoniston Qirolligiga sayohat qilgan.

1961-yilda Hindistonga sayohat qildi.

Viktor Ivanovich Ufimsev 1964-yil 31-dekabrda Oʻzbekiston SSR Toshkent shahrida vafot etdi.

Mukofotlari

Ufumsev 1959-yil 18-martda Qizil Bayroq ordeni, 1951-yil 6-dekabrda "Shon-sharaf belgisi" ordeni, 1945-yilda „Mehnatda oʻrnak koʻrsatganlik uchun“ medali bilan taqdirlandi[10].

Manbalar

  1. ↑ „Shklyarskaya, Yana. Viktor Ivanovich Ufimtsev: «Mы nazыvali sebya novatorami» // Tretьyakovskaya galereya. — 2008. — № 1. — S.82-85“. 2018-yil 25-aprelda asl nusxadan arxivlangan. Qaraldi: 2018-yil 24-aprel.
  2. ↑ „Istochnik“. 2022-yil 26-fevralda asl nusxadan arxivlangan. Qaraldi: 2022-yil 10-mart.
  3. ↑ „Zavetnaya nitь poiska : Rasskazы ob Omskom muzee izobrazit. iskusstv, istorii ego sozdaniya i nekotorыx proizvedeniyax iz ego kollektsiy jivopisi, grafiki, skulьpturы dekor.-prikl. iskusstva. — Omsk : Kn. izd-vo, 1988“. 2018-yil 25-aprelda asl nusxadan arxivlangan. Qaraldi: 2018-yil 24-aprel.
  4. ↑ A. V. Krusanov. Russkiy avangard: 1907-1932 : istoricheskiy obzor : v trex tomax. Novoe literaturnoe obozrenie, 1996. ISBN 978-5-86793-218-3. 
  5. ↑ „Darius, E. I. Muzey izyaщnыx iskusstv g. Barnaula (rekonstruktsiya istorii pervogo xudojestvennogo muzeya na Altae na osnove arxivnыx materialov) // Iskusstvo Sibiri i Dalьnego Vostoka: nasledie, sovremennostь, perspektivы : materialы mejregion. nauch.-prakt. konf. s mejdunar. uchastiem, 2-3 dekabrya 2015 g. — Barnaul, 2015. — S. 200—204“. 2018-yil 25-aprelda asl nusxadan arxivlangan. Qaraldi: 2018-yil 24-aprel.
  6. ↑ „Muratov P. D. Xudojestvennaya jiznь Sibiri 1920-x godov. L.: Xudojnik RSFSR, 1974“. 2018-yil 19-iyunda asl nusxadan arxivlangan. Qaraldi: 2018-yil 24-aprel.
  7. ↑ „Xan-Magomedova V. «Kuski jizni» Viktora Ufimtseva // Iskusstvo. — 2009. — № 24“. 2018-yil 25-aprelda asl nusxadan arxivlangan. Qaraldi: 2018-yil 24-aprel.
  8. ↑ „Sibirskiy avangard: jivopisь i grafika 1910—1920-x godov v sobranii Omskogo gosudarstvennogo istoriko-kraevedcheskogo muzeya : alьbom-katalog / avt. vstup. st. i sost.: I. G. Devyatьyarova, T. V. Eremenko. — Omsk : Omskiy gos. istoriko-kraevedcheskiy muzey : Omskblankizdat, 2013“. 2016-yil 17-iyunda asl nusxadan arxivlangan. Qaraldi: 2018-yil 24-aprel.
  9. ↑ "Ufimsev Viktor Ivanovich" OʻzME. U-harfi[sayt ishlamaydi] Birinchi jild. Toshkent, 2000-yil
  10. ↑ „Ufimtsev Viktor Ivanovich“ (ru). russkiy-peyzazh.ru. Qaraldi: 2023-yil 19-noyabr.