Xurram Rayimov-shoir, jurnalist.

Xurram Rayimov^{[sayt ishlamaydi]} 1950-yil Surxondaryo viloyati Denov tumanida tugʻilgan. Oʻrta maktabni tugatgach Respublika tibbiyot bilim yurtida tahsil olgan. Termiz Davlat Universiteti oʻzbek filologiyasi fakultetini tamomlagan. Shoir Denov tuman Sogʻliqni saqlash muassasalarida tish shifokori, soʻng tumandagi „Gʻalab uchun“ (hozirgi "Chagʻoniyon") gazetasida boʻlim muharriri sifatida faoliyat olib borgan. Shuningdek Surxondaryo teleradiokompaniyasida masʼul muharrir vazifasida ham samarali faoliyat yuritgan.

Kitoblari

Uning „Mohitabonim“, „Qoʻsh qanot“, „Bola bilan kapalak“, „Men kichik kashfiyotchi“, „Oq tulpor“, „Sabr daraxti“, „Koʻngil mujdalari“, „Qalbimdagi qush“, „Inja tuygʻular“, „Meni shoir qilgan muhabbat“ kabi oʻnlab sheʼriy toʻplamlari va „Yurak uxlamaydi“, „Baxtli yashang, odamlar“(hammualliflikdagi) publitsistik kitoblari nashr etilgan. ''Surxondaryolik shoir Xurram Rayimov sizga yaxshi tanish. Chunki Xurram bobo juda bolajon ijodkor. Shu bois aksariyat sheʼrlari bolalarga bagʻishlangan. Yaqinda ''Tamaddun'' nashriyotida ijodkorning ''Meni shoir qilgan muhabbat'' nomli yangi sheʼriy toʻplami chop etildi. Unda shoirning Vatanga boʻlgan iftixor, onaga boʻlgan mehri, bolalikka sadoqati oʻz aksini topgan.'' deb yozadi ''Gulxan''junali oʻzining rasmiy saytida.

Mukofotlari

Shoir Xurram Rayimov Oʻzbekiston yozuvchilar uyushmasi aʼzosi, Adib Sobir Termiziy mukofoti sovrindori, „Eng ulugʻ, eng aziz“ koʻrik-tanlovi gʻolibi hamda Gretsiyaning „Antik dunyo“ xalqaro ilmiy Akademiyasi professoridir.

Hozirda

Ayni paytda Xurram Rayimov „Tadbirkor va isteʼmolchi“, „Taraqqiyot va yoshlar“, Respublika gazetalarining viloyatdagi maxsus muhbiridir.

Ijodi

NURGA TOʻLGAN ChAMAN BU

Qayda bor bunday chaman?
Oʻtganmi biror zamon?
Tarixda xech uchraganmi,
Bunday bolajon makon?

Charaqlab turar osmon,
Dillarni ezmas armon.
Yulduzlarning barchasi,
Bu xolni koʻrib xayron.

Oy xam bolani maxtar,
Soy xam bolani yoqlar.
Bolalarga qoʻshilib,
Bulbullar koʻnglin chogʻlar.

Charaqlab, kelgusiday,
Bolalar kulgusiday.
Qorday oppoq tong otar,
Goʻdaklar tuygʻusiday.

Nurga toʻlgan chaman bu,
Baxtga toʻlgan tomon bu.
Bolajonlar baxtiga,
Doim boʻlsin omon u.

QUSHLAR KABI QANOT QOQ

* * *
Bola, bola, jon bola,
Orzusi jahon bola.
Keng olamni rom etgan,
Shodmon, bearmon bola.

O‘yin birla banddirsan,
Asaldirsan, qanddirsan,
Jonlarga payvanddirsan,
Bola, bola, sen bola.

(https://teletype.in/@uzasgzt/pu_j22IEubj) https://t.me/uzasgzt/407^{[sayt ishlamaydi]}

BERILIB KOʻP TUJJORATGA , QOLIB KETMANG XIJOLATGA

Ochiq bozor, sochiq bozor,
Savdo qaynar xar qadamda.
Istalgancha mol-mulklar bor,
Pul boʻlsa bas xamyonda.

Xar qadamda Market gullar,
Qayda qoldi sharxlovchilar?
Birga olib, oʻnga pullar,
Marketdagi naqdlovchilar.

Taxmonlarda toʻlib ketgan,
Turfa rangli xoʻb sara mol.
Uzoq yillar koʻplar kutgan,
Mollarga boq boʻlmasdan lol.

Siz tujjorlar koʻp suyunmang,
Sotuv davri kelibdi deb.
El xaqiga koʻp teginmang ,
Ajab zamon boʻlibdi deb.

Sotuvda xam chegara bor,
Oʻtmang qizil chiziqlardan.
Qaynab toshar xar kun bozor,
Chiqmang qonun-yoziqlardan.

Xamma narsa mumkin deya,
Bormang odam ovlariga.
Insofini eganlarning,
Tushub qolmang gʻovlariga.

Xato oʻylab, tujjorat deb,
Oʻtmang odam savdosiga.
Aylanmangiz bilib turib,
Sotqinlikning shaydosiga...

Berilib koʻp tujjoratga,
Qolmang ortiq xijolatga...