Zufar Faatovich Gimayev (tatarcha: Zөfәr Foat ulы Gыymaev, 1951-yil 9-yanvar, Namangan, Namangan viloyati, Oʻzbekiston SSR — 2002-yil 15-fevral, Qozon, Tatariston, Rossiya Federatsiyasi) — sovet va rus hamda tatar rassomi, portretchi. Rossiya Federatsiyasida xizmat koʻrsatgan rassom (2012). Tatariston Respublikasi xalq rassomi (2017), Tatariston Respublikasida xizmat koʻrsatgan sanʼat arbobi (2002). Abdulla Toʻqay nomidagi Tatariston Respublikasi Davlat mukofoti laureati (2005)[1].

Zufar Faatovich Gimayev
tatarcha: Zөfәr Foat ulы Gыymaev

Tavalludi 9-yanvar 1951-yil
Namangan, Namangan viloyati, Oʻzbekiston SSR
Vafoti 15-fevral 2022-yil(2022-02-15)
(71 yoshda)
Qozon, Tatariston, Rossiya Federatsiyasi
Millati Tatar

Tarjimayi holi

Zufar Gimayev 1951-yil 9-yanvar kuni Namangan shahri, Teraksoy tumanida tavallud topgan[1]. Otasi Faat Shayxelislamovich Gimayev 2-jahon urushi ishtirokchisi, urushdan soʻng oilasi bilan Oʻzbekistonga surgun qilingan. Onasi Farxijamal Shayxiyevna Gimayeva. Gimayev oilada oʻrtancha farzand boʻlgan boʻlib, bir nafar akasi Ferdinand (1947-yilda tugʻilgan) va bir nafar ukasi Shamil (1954-yilda tugʻilgan) boʻlgan[1]. 1952-yilda otasining surgun davri tugab, oila Qozonga koʻchib ketadi. Gimayev 1966-yilda Qozon sanʼat bilim yurtiga oʻqishga kirib, uni 1970-yilda tugatadi[2]. 1970—1976-yillari Ilya Repin nomidagi Leningrad rassomchilik, haykaltaroshlik va meʼmorchilik institutida (hozirgi Sankt-Peterburg Badiiy sanʼat akademiyasi) oʻqib, rassom va pedagog mutaxassisligi boʻyicha institutni bitiradi[3]. 1980-yilda SSSR Fanlar akademiyasi Qozon ijodiy rassomchilik ustaxonasini tugatgan[2]. Taniqli rassomlar Aleksandr Dmitriyevich Zaysev va Xaris Abdraxmanovich Yakupovdan taʼlim olgan[2]. Gimayev ijodiy faoliyatini dastlab turli rang-tasvir uslublaridan boshlaydi, ayniqsa portret janrida alohida muvaffaqiyatlarga erishgan. Rassomning Abdulla Toʻqay (tatarcha: Gabdulla Tukay), Salix Saydashev (tatarcha: Salix Sәydәshev), Tufan Minnullin (tatarcha: Tufan Miңnullin), Hasan Tufan (tatarcha: Xәsәn Tufan), Baki Urmanche (tatarcha: Bakыy Urmanche), Sohibjamal Gizzatullina-Voljskaya (tatarcha: Sәxibҗamal Gыyzzәtullina-Voljskaya) va boshqa tatar madaniyati namoyandalarining portretlari tanqidchilar tomonidan keng eʼtirofga sazovor boʻlgan. Rassom 2022-yil 15-fevral kuni saraton kasalligidan vafot etgan.

Manbalar

  1. ↑ 1,0 1,1 1,2 Ilьina M. E.. Gimaev Zufar Faatovich (Tatarskaya entsiklopediya.), T. 2, Kazanь: Institut Tatarskoy entsiklopedii Akademii nauk Respubliki Tatarstan, 2005 — 656-bet. 
  2. ↑ 2,0 2,1 2,2 Faynberg A. B.. Xudojniki Tatarii. Leningrad: Izdatelьstvo «Xudojnik RSFSR», 1983 — 232-bet. 
  3. ↑ Chervonnaya S. M.. Gimaev Zufar Faatovich, Xudojniki sovetskoy Tatarii (mastera izobrazitelьnogo iskusstva Soyuza xudojnikov TASSR), Kazanь: Tatarskoe knijnoe izdatelьstvo, 1984 — 462-bet.